ජාතික ජන බලවේගය විසින් එළිදැක්වූ ජනාධිපතිවරණ ප්‍රතිපත්ති ප්‍රකාශය සමගි ජන බලවේගය විසින් කොපි කරමින් සිටින බවත් එය ජාතික ජන බලවේගයේ ප්‍රතිපත්ති ප්‍රකාශනයේ දෙවැනි පිටපතක් ලෙස එළිදැක්වීමට නියමිත බවත් ජාතික ජන බලවේගයේ ජාතික විධායක සභික සුනිල් හඳුන්නෙත්ති මහතා පවසනවා.
කන්තලේ ප්‍රදේශයේ පැවති ජනහමුවක් අමතමින් ඔහු කියා සිටියේ සමගි ජන බලවේගය තම ප්‍රතිපත්ති ප්‍රකාශය අගෝස්තු 22 වනදා එළිදැක්වීමට සැලසුම් කර තිබූ බවයි.
පසුව එය කල් දැමුණු බවත් මේ වන විට ඔවුන් ජාතික ජන බලවේගයේ ප්‍රතිපත්ති ප්‍රකාශය කියවමින් සිටින බව ඔහු කියා සිටියා.
“ඔවුන්තමන්ගේ ප්‍රතිපත්ති හදනවා පැත්තක තියලා අපේ ප්‍රතිපත්ති ප්‍රකාශය කියවන්න පටන් අරන්. සමහරු ෆොටෝ කොපි කරගෙන කියනවා. අපේ ප්‍රතිපත්ති ප්‍රකාශය වැඩිපුර ඩවුන්ලෝඩ් කරන්නේ සජබ කට්ටිය. ඔවුන්ගේ ප්‍රතිපත්ති ප්‍රකාශය අගෝස්තු 22 එළිදක්වන්න හිටියේ. දැන් ලියාගන්න බෑ.මේ දවස්වල කොපි රයිටින් එක දෙනවා. අපේ එක කියවා කියවා ලියනවා. පිටපත් කරනවා. කොපි රයිටින් කරනවා. අපි බලමු කවදා එළිදක්වයිද කියලා.අපේම ප්‍රතිපත්ති ප්‍රකාශයේ දෙවැනි පිටපතක් තමයි එන්නේ. ඔවුන්ට වැඩපිළිවෙළක් හෝ ප්‍රතිපත්තියක් නැහැ.”
NPP ප්‍රතිපත්ති ප්‍රකාශය එළිදැක්වීමෙන් පසු NPP යට සැලැස්මක්, ප්‍රතිපත්තියක් හෝ වැඩපිළිවෙලක් නැතැයි පැවසූ ඇය කැළඹී සිටින බවත් ඔවුන්ට කට උත්තර නැති වී ඇති බව ද ඔහු වැඩිදුරටත් සඳහන් කළා.
