මැතිවරණ අත්පත්‍රිකා ගෙන් ගෙට බෙදා හැරීමට යාමේ දී පෙරහැර හෝ පෙළපාළි ආකාරයට ජන සමූහ ලෙස ගමන් කිරීම මැතිවරණ කොමිෂන් සභාව මගින් තහනම් කර තිබෙනවා.
එසේ කටයුතු කරන්නට එරෙහිව නීතිය ක්‍රියාත්මක කරන බවයි මැතිවරණ කොමිෂන් සභාව පවසන්නේ.
අත්පත්‍රිකා බෙදා හැරීමේදී සංගීත වාදන සහ ප්‍රදර්ශන පූර්ව යොදා නොගත යුතු බවද මැතිවරණ කොමිෂන් සභාව සියලු පක්ෂවලට දැනුම් දී තිබෙනවා.
එමෙන්ම මැතිවරණ සමයේ දී දේශපාලන පුවත් හා ලිපි හෝ දැන්වීම් අතිරේක යනාදිය රජයේ හෝ රජයේ ආයතනවල වියදමින් පළ නොකරන ලෙසද දැනුම් දිය ඇතැයි මැතිවරණ කොමිෂන් සභාව පවසනවා.
රජයේ නිලධාරීන් මැතිවරණ ප්‍රචාරණ කටයුතු සඳහා යොදාගැනීමෙන් වැලකිය යුතු බවත් රජය කාර්යාල පාසල් ආදී කිසිදු ආයතනයක හෝ එම පරිශ්‍රයන් සඳහා ආයාචනා කිරීම අත්පත්‍රිකා බෙදා හැරීම ප්‍රදර්ශන පුවරු හා ප්‍රදර්ශන පුවරු හා දැන්වීම් ප්‍රදර්ශනය කිරීම නොකළ යුතු බව කොමිසම නිලධාරියෙක් සඳහන් කළා.
