පෙම්වතෙක් පෙම්වතියක සොයා ගැනීමට හෝ dating app මඟින් සොයා ගන්නා පෙම්වතුන් හමුවීමට සිය සේවකයින්ට ඉඩ සලසමින් තායිලන්තයේ සමාගමක් වැටුප් සහිත නිවාඩුවක් අනුමත කර තිබෙනවා.
මෙම අපූරු නිවාඩුව සිය කාර්ය මණ්ඩලය වෙත ප්‍රදානය කළේ තායිලන්තයේ Whiteline Group නම් සමාගමකි.
Tinder leave ලෙසින් හඳුන්වා දී ඇති මෙම නිවාඩු තම සේවකයන්ට වාර්ෂික නිවාඩු හෝ අසනීප නිවාඩු වැනි වැටුප් සහිතව ලැබෙන නිවාඩු ආකාරයෙන් ලබාගත හැකි බවයි සමාගම පසුගිය දා නිවේදනය කළේ.
ජුලි මාසයේ සිට සිට දෙසැම්බර් දක්වා ක්‍රියාත්මක වන මෙම ක්‍රමවේදය මගින් ආයතනයේ සේවකයින්ට මෙම නිවාඩු දිනයේදී dating app භාවිතා කිරීමට සහ මිතුරු මිතුරියන් සොයා ගැනීමට අවස්ථාව හිමි වුණා.
ආයතනයේ වඩාත් හොඳින් සේවයේ නිරත වන සේවක සේවිකාවන්ට මාස හයක වැටුප් සහිත Tinder Platinum සහ Tinder Gold වශයෙන් ද නිවාඩු පහසුකම් ලබාදෙන බව ද Whiteline ආයතනය වැඩි දුරටත් නිවේදනය කර තිබෙනවා.
