උරුමය සින්නක්කර ඉඩම් ඔප්පු ලබාදීමේ වැඩසටහන ජාතික ජන බලවේගයට සම්බන්ධ රාජ්‍ය නිලධාරින් කණ්ඩායමක් හේතුවෙන් කඩාකප්පල් වී ඇති බව ආරක්ෂක රාජ්‍ය අමාත්‍ය ප්‍රමිත බණ්ඩාර තෙන්නකෝන් මහතා සඳහන් කර තිබෙනවා.
මිනින්දෝරුවන් විසින් මාස හයක් වැනි කාලයක් තිස්සේ සිදු කරමින් පවතින වර්ජනය ඒ සඳහා හේතු වී ඇතැ‍යි ඔහු පෙන්වා දුන්නා.
ඔහු මේ බව පැවසුවේ ඊයේ (02) කැකිරාවේ පැවති “පුලුවන් ශ්‍රී ලංකා” ජනරැලිය අමතමින්.
ප්‍රමිත බණ්ඩාර තෙන්නකෝන් මැතිතුමා…,
“මේ වසරේ මාර්තු මාසේ ඉදලා මාස 6 ක් වැඩ වර්ජනයක. කැඩැස්තර සිතියම් 2 ක් මාස 6 කට නිකුත් කරලා නැ. ඔබ දන්නවද ඇයි මේ වැඩ වර්ජනය පටන් ගත්තේ කියලා.ජනාධිපතිතුමා පටන් ගත්තත් පුංච් ඔබතුමන්ලා වෙනුවෙන් උරුමය සින්නකර ඔප්පු ලබා දිමේ වැඩ සටහන උරුමය දිගෙන දිගෙන යද්දි ඒ දැන ගත්තා ඒ අයට කරුමයක් පාත් වෙනවා කියලා. ඔබේ අතට ඔප්පුව ලැබෙත්දි ඒ අය කලබල උනා ඒ නිසා මාස හයක් වර්ජනය කරලා ඔබේ අතට ඔප්පු දෙන්න එන අවස්ථාව අද වෙනකන් මගහැරලා තියනයා. ඒකට නායකත්වය දෙන්නේ ජනතා විමුක්ති පෙරමුන නියෝජනය කරන මිනින්දොරු සංගමයේ සභාපති .අපි කියන්න ඔනි මේ වගේ වැඩ කරන්න එපා කියලා. ”
