සමගි ජන බලවේගයේ හිටපු පාර්ලිමේන්තු මන්ත්‍රීනී තලතා අතුකෝරල මහත්මිය ජනාධිපති රනිල් වික්‍රමසිංහ මහතාට සහයෝගය දැක්වීම සඳහා අද (08) වැලිමඩ පැවති ජන රැළියට සහභාගී වී සිටියා.
ජනාධිපති රනිල් වික්‍රමසිංහ මහතාගේ ප්‍රධානත්වයෙන් වැලිමඩ නගරයේදී එම ජනරැළිය පැවැත්වුණා.
එක්සත් ජාතික පක්ෂයෙන් වෙන්වීම සම්බන්ධයෙන් සිය පක්ෂ නායකයා වූ සජිත් ප්‍රේමදාස මහත්ජාට චෝදනා කරමින් ඇය පසුගිය දා පාර්ලිමේන්තුමන්ත්‍රී ධුරයෙන් ඉල්ලා අස්වූ අතර ජනාධිපති රනිල් වික්‍රමසිංහ මහතාට සහාය පළ කරමින් ඔහුගේ වේදිකාවට එක් වූ පළමු අවස්ථාව වන්නේ මෙයයි.
