වඳුරු උණ අත ලඟටම එයි.. ඉන්දියාවේ පලමු රෝගියා වාර්තා වේ

Mpox හෙවත් වඳුරු උණ බවට සැක සහිත රෝගියකු එරටින් මුල් වරට වාර්තා වූ බව ඉන්දීය සෞඛ්‍ය අංශ පවසනවා. 

ආසාදනය පාලනය කිරීම සඳහා නම් කර ඇති එක් රෝහලක එම රෝගියා හුදෙකලා කර ඇති බවත් ඔහු Mpox ව්‍යාප්ත වෙමින් පවතින අප්‍රිකානු රටක සංචාරයක නිරත වූවකු බවයි සෞඛ්‍ය අංශ පවසන්නේ.

Mopox පවතින බව තහවුරු කර ගැනීම සඳහා රෝගියාගේ සාම්පල මේ වන විටත් පරීක්‍ෂා කරමින් පවතී.

බලපෑම පාලනය කිරීම සඳහා ඔහුගේ ආශ්‍රිතයන් සොයා වැඩි දුරටත් විමර්ශන සිදු කරමින් පවතින බව ද වාර්තා වෙනවා.