මෙවර ජනාධිපතිවරණයේ ඉදිරියෙන්ම සිටින අපේක්ෂකයින් දෙදෙනෙකුවන සජිත් ප්‍රේමදාස මහතා සහ අනුර කුමාර දිසානායක මහතා ඊයේ (16) රාත්‍රියේ එකම වේලාවේ රූපවාහිනී නාළිකා දෙකක දේශපාලන සංවාදමය වැඩසටහන් දෙකකට සගභාගී වී සිටියා.
හිරු නාලිකාවේ සජිත් ප්‍රේමදාස මහතාත් දෙරණ නාලිකාවේ අනුර දිසානායක මහතා සහභාගී වූ එම වැඩසටහන් දෙක විකාශය වූයේ පෙර පටිගත කරනු ලැබූ වැඩසටහන් ලෙසයි.
කෙසේ වෙතත් එම නාලිකාවල යූ ටියුබ් නාලිකාවන් ඔස්සේ ද එම වැඩසටහන් විකාශය කරනු ලැබූ අතර එය සජිත් සහ අනුර අතර සජීවී likes සහ Views අතර යුද්ධයක් බවට පත් වී උණුසුම් ආකාරයක් දැක ගත හැකි වුණා.
වැඩසටහන් විකාශය වු මොහොතේ වැඩිම නරඹන්නන් පිරිසක් එක්ව සිටියේ සජිත් ප්‍රේමදාස මහතා සහභාගී වූ සලකුණ සමඟ වන අතර වැඩසටහන අවසන් වන විට ලක්ෂ 184,255ක් එක්ව සිටියා.
ඒ අවස්ථාවේ අනුර දිසානායක මහතා සහභාගී වූ 360 වැඩසටහන නැරඹීමට එක්ව සිටියේ 153,142 ප්‍රමාණයක්.
වැඩසටහනට කැමැත්‍ත පළ කළ අය අතර ඉදිරියෙන්ම සිටියේ අනුර කුමාර දිසානායක මහතා සහභාගී වූ දෙරණ 360 යි.
නමුත් මේ වන විට දෙරණ 360 වැඩසටහන යූ ටියුබ් ඔස්සේ නැරඹූ ප්‍රමාණය සලකුණ අභිබවා 922,00ක් දක්වා ඉහළ ගොස් තිබෙනවා.
සජිත් ප්‍රේමදාස මහතා සහභාගී වු සලකුණ මේ වන විට නැරඹූ සංඛ්‍යාව 600,000 ක් පමණි.
