පහ ශ්රේණිය ශිෂ්යත්ව විභාගයේ පළමු ප්රශ්න පත්රය ජංගම දුරකථනයකින් බෙදාගත් බව කියන අනුරාධපුර විභාග මධ්යස්ථානයක විදුහල්පතිවරයෙකු ඇතුළු ගුරුවරුන් 6 දෙනෙකු විභාග දෙපාර්තමේන්තුවේ නිලධාරීන් විසින් අත්අඩංගුවට ගෙන තිබෙනවා.
විමර්ශනවලට අනුව එම පුද්ගලයන් විභාගය ආරම්භ වීමට මිනිත්තු දහයකට පෙර පළමු ප්රශ්න පත්රයේ ඡායාරූප හුවමාරු කර ගෙන ඇති බව සඳහන්.
ඒ අනුව විදුහල්පතිවරයා සහ ගුරුවරුන් හය දෙනෙකු ඔවුන්ගේ ජංගම දුරකතන සමඟ අත් අඩංගුවට ගනු ලැබුවේ ප්රශ්ණ පත්රයේ ඡායාරූප බෙදා ගත් බව කියන චෝදනාව මතයි.
විදුහල්පතිවරයා ඇතුළු ගුරුවරුන් අනුරාධපුර සහ නොච්චියාගම රජයේ පාසල්වලට අයිති නිලධාරීන් බවයි වාර්තා වන්නේ.
ප්රශ්න පත්රය අනුරාධපුරය, නොචිචියාගම, කොළඹ ඇතුළු ප්රදේශ කිහිපයකට යවා ඇති බවද විමර්ශනවලදී අනාවරණය වී තිබෙනවා.
2024 වසර සඳහා වන 5 ශ්රේණිය ශිෂ්යත්ව විභාගය පසුගිය ඉරිදා (15) දිවයින පුරා විභාග මධ්යස්ථාන 2,849ක දී පැවැත්වුණා.
