රේඩියෝ සංඥා මාර්ග ඔස්සේ ‘පේජර්’ යන්ත්‍ර පුපුරවා හැරීමෙන් සිදු කළ ප්‍රහාර මාලාවකින් පසු ඊයේ (18) ලෙබනනය තුළ තවත් පිපිරීම් මාලාවක් වාර්තා වුණා.
ජාත්‍යන්තර මාධ්‍ය වාර්තාවලට අනුව මෙම දෙවැනි ප්‍රහාරය එල්ල කරනු ලැබුවේ ‘වෝකි ටෝකි’ යන්ත්‍ර ඔස්සේය.
“වෝකි ටෝකි” යන්ත්‍ර පිපිරීමෙන් මිය ගිය පුද්ගලයන් මේ වන විට 20 දෙනෙකු දක්වා ඉහළ ගොස් ඇති අතර 450කට අධික පිරිසක් තුවාල ලබා ඇති බව වාර්තා වෙනවා..
මීට දිනකට පෙර ලෙබනනය පුරා පේජර් පුපුරා යෑමෙන් 12 දෙනෙක් මියගොස් තිබූ අතර එහි උණුසුම මැකී යෑමටත් පෙර මෙලෙස වෝකි ටෝකි” යන්ත්‍ර පුපුරා ගිය බවයි විදෙස් මාධ්‍ය වාර්තා පවසන්නේ.
ලෙබනනයේ සන්නිවේදන අමාත්‍යාංශය පැවසුවේ බදාදා පුපුරා ගිය වෝකි ටෝකි උපාංග ජපාන සමාගමක් වන ICOM විසින් නිෂ්පාදනය කරන ලද නවතා දැමූ ආකෘතියක් බවයි.
මේ සමඟ සියලු සන්නිවේදනය උපාංග ඇතුළු ඉලෙක්ට්‍රොනික උපකරණ භාවිත කිරීමේ අවධානමක් මේ වන විට ලෙබනනය තුළ උද්ගතව පවතී.
