සියලු සත්‍යවාදී යථාර්ථවාදී සමීක්ෂණවාර්තා එළිදරව් කරන පරිදි මෙවර ජනාධිපතිවරණය වැඩි ඡන්ද ලක්ෂ 20 කින් ජයග්‍රහණය කරන බව සමගි ජන බලවේගයේ ජනාධිපති අපේක්ෂක සජිත් ප්‍රේමදාස මහතා පවසනවා.
රනිල් වික්‍රමසිංහ වෙත එක් ඡන්දයක් හෝ ලබා දී නාස්ති නොකරන ලෙස රටේ සියලුම ජනතාවගෙන් ඔහු ඉල්ලා සිටියා.
ඔහු මේ බව සඳහන් කළේ ඊයේ (18) කොළඹ මරදාන ප්‍රදේශයේ පැවති 2024 ජනාධිපතිවරණයේ ඔහුගේ අවසන් ප්‍රචාරක රැලිය අමතමිනි.
“එහෙනම් අපේ ජයග්‍රහණය ස්ථිරයි.මේ ජයග්‍රහණය තුළ අපට පැවරෙනවා දැවැන්ත භාරදූර කර්තව්‍යයක්.අපි පළමුව කරන්න ඕන දේ තමයි අපට ප්‍රතිවිරුද්ධ මත දරණ සියලු දෙනාටම ගරු කිරීම. හිංසනයකින් පීඩාවකින් තොරව ප්‍රතිවිරුද්ධ මත දරන ඒ සියලු දෙනා අපි ආරක්ෂා කරගෙන එකමුතුභාවය,එක්සත්භාවය,සහෝදරත්වය,මිත්‍රශීලීත්වය අපගේ දැවැන්තම ශක්තිය බවට පත් කරගෙන අපි අපේ මාතෘ භුමිය ගොඩගන්න ඕන.
රනිල් වික්‍රමසිංහට ඡන්දය දාලා ඡන්දය නාස්ති කරගන්න කවුරු හරි හිතනවා නම් මම ඉල්ලීමක් කරනවා ඔබගේ ඡන්දය නාස්ති කරන්න එපා.මේ රටේ පොදු ජන යුගය මේ රටේ ලක්ෂ 20ක් ජනතාව නියෝජනය කරන සැබෑ ජනහිතකාමී යුගය බිහි කරන්නට දුරකථනය සමගි ජන බල වේගය ජයග්‍රහණය කරවන්න.”
