ජනාධිපති රනිල් වික්රමසිංහ මහතා සාමකාමීව නව ජනාධිපතිවරයාට බලය පැවරීමට කටයුතු කරන බව ජාතික ජන බලවේගයේ ජනාධිපති අපේක්ෂක අනුර කුමාර දිසානායක මහතා අද (21) ප්රකාශ කළා.
ඡන්දය ප්රකාශ කිරීමෙන් අනතුරුව මාධ්ය වෙත අදහස් දක්වමින් ඔහු කියා සිටියේ මෙය ශ්රී ලංකා ඉතිහාසයේ හැරවුම් ලක්ෂයක් වන මැතිවරණය බවයි.
“අපි මෙතෙක් මැතිවරණ පැවැත්වූයේ ආණ්ඩු පෙරළීමට, ආණ්ඩු පිහිටුවීමට සහ නායකයින් තෝරා ගැනීමටයි. නමුත්, මෙම මැතිවරණය ශ්රී ලංකා ඉතිහාසයේ හැරවුම් ලක්ෂයක් වනු ඇති” ඔහු පැවසුවා.
දිසානායක මහතා ජනතාවගෙන් ඉල්ලා සිටියේ ජයග්රහණයෙන් පසු කිසිදු ආකාරයකින් සාමය කඩකිරීමක් හෝ ගැටුම් ඇතිකර නොගෙන සාමය ආරක්ෂා කරන ලෙසයි.
“තමන් කැමති අපේක්ෂකයාට ඡන්දය ප්රකාශ කිරීමට සෑම කෙනෙකුටම අයිතියක් තිබෙනවා.ඒ අයිතිය අපි රැකගත යුතුයි.රටට අලුත් දේශපාලන සංස්කෘතියක් අවශ්යයි” ඔහු කියා සිටියා.
“ජනාධිපතිවරයා ප්රජාතන්ත්රවාදීව බලය මාරු කරයි. ප්රජාතන්ත්රවාදයට පටහැනිව ක්රියා කරයි කියලා මම හිතන්නේ නැහැ. අලුතින් තේරී පත් වූ ජනාධිපතිවරයාට බලය පවරා විශ්රාම යාවි කියා බලාපොරොත්තු වෙනවා,” යනුවෙන් මාධ්ය කළ විමසීමක දී ඒ මහතා සඳහන් කළා.
