පාර්ලිමේන්තු මන්ත්රීවරුන්ට දී තිබූ ආරක්ෂක ගිනි අවිය (පිස්තෝලය) ආරක්ෂක අමාත්යංශයට වහාම භාර දෙන ලෙස පාර්ලිමේන්තුවේ මන්ත්රී සේවා අංශය එම ගිනි අවිය ලබාගෙන ඇති හිටපු පාර්ලිමේන්තු මන්ත්රීවරුන්ට ලිඛිතව දන්වා තිබෙනවා.
හිටපු පාර්ලිමේන්තු මන්ත්රීවරුන් සියයකට ආසන්න පිරිසක් එම ආරක්ෂක ගිනි අවිය ලබා ගෙන තිබුණා.
පාර්ලිමේන්තු මන්ත්රීවරුන්ට දී ඇති සියලුම පහසුකම් පාර්ලිමේන්තු විසුරුවා හැරීමත් සමඟ අහෝසි වී ගිය අතර මෙසේ අහිමිවන පහසුකම් අතර මන්ත්රී දීමනාව, මන්ත්රී කාර්ය මණ්ඩලයට දෙන දීමනා, ඉන්ධන පහසුකම් සහ මුද්දර ගාස්තු වැනි දීමනා ද පවතී.
කෙසේ වෙතත් මාදිවෙල මන්ත්රී නිල නිවස සංකීර්ණයෙන් මන්ත්රීවරුන්ට ලබා දී ඇති නිවාස පමණක් ඡන්දය පැවැත්වෙන දින පාවිච්චි කිරීමට ඔවුන්ට ඉඩ සලසා දී තිබෙනවා.
මහ මැතිවරණයෙන් යළි තේරී පත් නොවන මන්ත්රීවරුන් සියලු දෙනා ඡන්ද විමසීමෙන් පසුදිනම එම නිල් නිවාස යළි භාරදිය යුතු බවයි දන්වා ඇත්තේ.
