හිටපු ඇමතිවරයකු වන ජොන්සටන් ප්‍රනාන්දු මහතා ලබා දුන් රජයට අයත් මෝටර් රථ තුනක් පරිහරණය කළ බවට මෙරට ප්‍රවීණ ගායිකාවක වන සමිතා මුදුන්කොටුව මහත්මිය වෙත මේ වනවිට ප්‍රබල චෝදනාවක් එල්ල වෙමින් පවතී.
ඇය සහ ඇගේ දියණිය කවින්ද්‍යා අධිකාරී සහ පුතා වන ෂේන් අධිකාරි වෙත මෙම වාහන ලබා දී ඇති බවටයි චෝදනා එල්ල වුණේ.
කෙසේ වෙතත් සමිතා මුදුන්කොටුව මහත්මිය එම චෝදනාවලට පිළිතුරු ලබා නොතිබුණු අතර යූ ට්යුබ්කරුවෙකු වන සුදත්ත තිලකසිරි මහතා ඔහුගේ වැඩසටහනක් අතරතුර ඇයව සම්බන්ධ කර ගැනීමට සමත් වුණා.
ඒ වනවිටත් සමිතාට දුරකථන ඇමතුම් ගණනාවක් ලබා ගත්ත ද ඇය ඒවා විසන්ධි කර දැමූ බවත් පසුව ඔහුගේ දුරකථන අංකය අවහිර කර තිබුණු බව ඔහු මෙම වැඩසටහන අතරතුර ප්‍රකාශ කළා.
කෙසේ වෙතත් ඔහු වෙනත් දුරකථන අංකයකින් සමිතාව වැඩසටහන වෙත සම්බන්ධ කර ගැනීමට සමත් වුණා.
එහිදී වාහන තුනක් අවභාවිත කිරීම පිළිබඳ එල්ලවන චෝදනා පිළිබඳ ඇගෙන් කළ විමසීමට පිළිතුරු දෙමින් ඇය සඳහන් කළේ ඇයට එලෙස වාහන ලබා ගැනීමේ අවශ්‍යතාවක් නොමැති අතර ඇය කුඩා කාලයේ සිට පොහොසත් තැනැත්තියක වූ බවයි.
එමෙන්ම තමාට අදාළ නැති චෝදනාවකට පිළිතුරු ලබා දීමේ අවශ්‍යතාවක් ද ද නොමැති බව ඇය කියා සිටියා.
