එළැඹෙන මහ මැතිවරණයේ දී සන්ධාන ගත වීමට සමගි ජන බලවේගය සමඟ සාකච්ඡා තව දුරටත් සිදු කරමින් පවතින බව හිටපු පාර්ලිමේන්තුමන්ත්‍රී සමන් රත්නප්‍රිය මහතා පවසනවා.
එක්සත් ජාතික පක්ෂය,ශ්‍ රී ලංකා පොදු ජන පෙරමුණේ බහුතර කණ්ඩායම මේ වන විට සිදුකරන සාකච්ඡා අනුව බහුතරයකගේ මතය වී ඇත්තේ පොදු සලකුණකින් පොදු සන්ධානයක් ලෙස මැතිවරණයට ඉදිරිපත් වීම බව ඔහු සඳහන් කරනවා.
එමෙන්ම සංකේතය පිළිබඳ එකඟතාවයකට පැමිණි විගස එම සන්ධානය ප්‍රකාශයට පත් කරන බවයි ඔහු පවසන්නේ.
ඒ අනුව අගමැති අපේක්ෂකත්වය සජිත් ප්‍රේමදාස මහතාට ලබා දීමට රනිල් වික්‍රමසිංහ මහතාගේ පාර්ශවයේ කිසිදු විරුද්ධත්වයක් නැති බව ඔහු අනාවරණය කරනු ලැබුවේ මාධ්‍ය කළ විමසීමකට පිළිතුරු ලබා දෙමිනි.
සමන් රත්නප්‍රිය මහතා පවසන ආකාරයට සමගි ජන බලවේගය සමඟ සාකච්ඡාවලදී මේ වන විට උද්ගත වී ඇත්තේ සංකේතය පිළිබඳ ගැටලු කිහිපයක් පමණයි.
සාමන්‍යයයෙන් සන්ධාන ගතවන විට තම තමන්ගේ පක්ෂවල සංකේත්වල එල්ලී සිටින්නේ නැති අතර පොදු සංකේතයක් භාවිත කිරීමට කටයුතු කරයි.
එවැනි ගැටලු පැවතියද තව දුරටත් සාකච්ඡා සිදු වෙමින් පවතින බව සමන් රතනප්‍රිය මහතා වැඩි දුරටත් කියා සිටියා.
