මතභේදයට තුඩු දුන් 05 ශ්‍රේණිය ශිෂ්‍යත්ව විභාගයේ පිළිතුරු පත්‍ර පරීක්ෂාව සති දෙකකට අත්හිටුවීමට ජනාධිපතිවරයා අධ්‍යාපන අමාත්‍යංශයේ නිලධාරීන්ට උපදෙස් දී තිබෙනවා.
ජනාධිපති අනුර කුමාර දිසානායක මහතා සහ 05 ශ්‍රේණිය ශිෂ්‍යත්ව විභාගයේ ප්‍රශ්න පත්‍ර බැලුව සම්බන්ධයෙන් උද්ඝෝෂණයක නිරත වූ දෙමව්පියන් පිරිසක් අතර සාකච්ඡාවක් ඊයේ (30) පස්වරුවේ ජනාධිපති කාර්යාලයේදී පැවැත්වුණා.
ජනාධිපති මාධ්‍ය අංශය නිවේදනයක් නිකුත් කරමින් සඳහන් කළේ ඒ අනුව පිළිතුරු පත්‍ර පරීක්ෂාව සති දෙකකට අත්හිටුවීමට ජනාධිපතිවරයා පියවර ගත් බවයි.
පසුගිය 05 ශ්‍රේණිය ශිෂ්‍යත්ව විභාගයේ ප්‍රශ්ණ 3 ක් නොව ප්‍රශ්ණ 8ක් විභාගය පැවැත්වීමට පෙර පිටව ඇති බවත් එබැවින් එහි පළමු ප්‍රශ්ණ පත්‍රයට අදාළ විභාගය නැවත පවත්වන ලෙසද දෙමව්පියන් ජනාධිපතිවරයාගෙන් මෙහිදී ඉල්ලා සිටියා.
