මෙම මාසයට අදාළව ගෑස් මිලෙහි කිසිදු වෙනසක් නොකරන බව ලිට්‍රෝ සමාගම අද (01) නිවේදනය කළා.
ඔක්තෝබර් මාසයේ දී ජ්‍යාත්‍යන්තර වෙළඳපොළේ ගෑස් මිල වැඩිවන පරිසරයක දී වුව ද ලිට්‍රෝ ගෑස් පාරිභෝගිකයන්ට සහන සැලසීමේ අරමුණින් එම පියවර ගත් බවයි එම සමාගම නිවේදනය කළේ.
මේ අතර අද (01) පැවති අමාත්‍ය තීරණ දැනුම් දීමේ මාධ්‍ය හමුව අතරතුර කැබිනට් මාධ්‍ය ප්‍රකාශක විජිත හේරත් මහතා සඳහන් කළේ ලිට්‍රෝ සමාගමේ නව සභාපති පත් කිරීමෙන් අනතුරුව ගෑස් මිල අඩු කිරීම පිළිබඳ සලකා බලන බවයි.
ඒ අනුව අද දින ලිට්‍රෝ සමාගමේ සභාපති ධුරයට චන්න ගුණවර්ධන මහතා පත් කරනු ලැබුවා.
