මාදිවෙල මන්ත්රී නිල නිවාසවලින් ඉවත්වෙන ලෙස එහි පදිංචි වී සිටින මන්ත්‍රීවරුන් 108 දෙනාට ලිඛිතව දැනුම් දී ඇති බව පාර්ලිමේන්තු ආරංචි මාර්ග පවසයි.
මාදිවෙල මන්ත්රී නිල නිවාස සංකීර්ණයේ හදිසි අලුත්වැඩියාවක් කිරීමට ඇති හෙයින් ඉන් ඉවත් වෙන ලෙසයි අදාළ ලිපිය මඟින් දැනුම් දී ඇත්තේ.
මන්ත්‍රීවරුන් හය දෙනෙක් පමණ දැනට ද ඉන් ඉවත්ව ඇතැයි එම ආරංචි මාර්ග වැඩිදුරටත් සඳහන් කළා.
මාදිවෙල මන්ත්රී නිල නිවාස සංකීර්ණයේ නිවාස 120 ක් පමණ පවතී.
සෙසු නිවාසවල පදිංචි වී සිටින්නේ ආරක්ෂක නිලධාරීන් ඇතුළු නිලධාරීන් පිරිසක්.
අලුතෙන් පත්වන මන්ත්‍රීවරුන්ට මාදිවෙල මන්ත්රී නිල නිවාස සංකීර්ණයේ නිල නිවාස ලබාදීමට සිදුවෙන හෙයින් ඒවා කල්තියා අලුත් වැඩියා කිරීමට පාර්ලිමේන්තු ප්‍රධානීන් ගත් තීරණයකට අනුවයි මෙම දැනුම් දීම සිදුකර ඇත්තේ.
පසුගිය කාලයේ පළවූ වාර්තාවලට අනුව එම නිල නිවාස 120න් 111ක් පාර්ලිමේන්තු මන්ත්‍රීවරුන් සඳහා මාසිකව රුපියල් දාහක ගාස්තුවකට නිකුත් කර ඇති බවයි පැවසුණේ. ඉතිරි නිවාස නවය මාදිවෙල නිවාස සංකීර්ණය සඳහා පහසුකම් සපයන ආයතන සඳහා වෙන්කළ ඒවා බව ද වාර්තා වුණා.
