දකුණු ඊශ්‍රායලයේ බේෂීබා Beersheba මධ්‍යම බස් නැවතුම්පොළේ සිදු වූ වෙඩි තැබීමකින් 25 හැවිරිදි කාන්තා පොලිස් නිලධාරිනියක් මිය ගොස් තවත් 10 දෙනෙකු තුවාල ලබා ඇති බව Jerusalem Post වාර්තා කර තිබෙනවා.
මෙය ත්‍රස්ත ප්‍රහාරයක් බව සඳහන් කරන පොලිසිය ඝාතකයා වෙඩි තබා ඝාතනය කර බව පවසා තිබෙනවා.
මෙම ප්‍රහාරයට ත්‍රස්තවාදියා විසින් පිහි ඇණුම් හා වෙඩි තැබීම් යන ක්‍රම දෙකම භාවිත කර ඇත්ද යන්න පිළිබඳ පොලිසිය පරීක්ෂණ පවත්වයි.
ඊශ්‍රායල ආරක්ෂක බලධාරීන්ට අනුව ත්‍රස්ත ප්‍රහාරය පිටුපස සිටි ත්‍රස්තවාදියා 29 හැවිරිදි අහමඩ් අල්-උක්බි ලෙස හඳුනාගෙන ඇති අතර ඔහු ලකීයා නගරයට ආසන්න ගම්මානයක ජීවත්ව ඇති බවයි අනාවරණය වී ඇත්තේ.
ඝාතකයා වෙඩි නොවදින කබායකින් සැරසී තුවක්කුවකින් සහ පිහියකින් සන්නද්ධව සිටි බව පොලිසිය පවසනවා.
අල්-උක්බි ඊශ්‍රායල පුරවැසිභාවය දරන අතර අපරාධ ඉතිහාසයක් ඇති පුද්ගලයකු බව බලධාරීන් උපුටා දක්වමින් Times of Israel වාර්තා කර තිබෙනවා.
