යෝෂිත රාජපක්ෂ සමඟ පැමිණ කොම්පඤ්ඤවීදිය යූනියන් පෙදෙසේ රාත්රී සමාජ ශාලාවක ආරක්ෂකයෙකුට පහරදුන් සැකකරුවන් තිදෙනෙකු සොයා විමර්ශන ආරම්භ කර ඇති බව පොලිසිය පවසනවා.
සමාජ ශාලාව තුළට ඔවුන් ඇතුළු කර ගැනීමේදී පැළඳිය යුතු අත් පළඳනාවක් පිළිබඳ ප්රශ්ණ කිරීම හමුවේ මෙම ආරවුල ඇති වී තිබුණා. ජනාධිපති හිටපු මහින්ද රාජපක්ෂගේ පුත් යෝෂිත රාජපක්ෂ සහ ඔහුගේ බිරිය සමඟ පැමිණි අයෙකු අත්පලඳනාව පැලඳ නොසිටි බව පැවසෙන අතර පසුව ආරක්ෂක නිලධාරියා අත්පලඳනාව ගැන විමසීමේදී අදාළ පුද්ගලයින් ආරක්ෂක නිලධාරියාට පහර දී තියෙනවා.
මෙම සිදුවීම 22 වන දා රාත්රියේ සිදු වූ බව පවසන අතර මේ වන විට සිය පදිංචි ප්රදේශයෙන් බැහැරව සිටින බවට තොරතුරු වාර්තා වී ඇත. ඔවුන් සොයා දිගින් දිගටම විමර්ශන සිදු වන බව පොලිස් මාධ්ය ප්රකාශකවරයා සඳහන් කර තියෙනවා.
පහරකෑමට ලක් වූ ආරක්ෂක නිලධාරියා රෝහල්ගත කර ඇති බවයි වාර්තා වන්නේ.
