වීනස් දේවතාවිය ලෙස තමා හඳුන්වා ගන්නා කාන්තාවක් ටෙක්සාස් ගුවන් තොටුපළේ පසුගිය දා නොසන්සුන්කාරී තත්ත්වයක් නිර්මාණය කර තිබුණා.
ඒ නිරුවතින් පැමිණ කලහකාරී ලෙස හැසිරීමට පටන් ගැනීමත් සමඟය. මාර්තු 14 වන දින ඩලස් ෆෝර්ත් වර්ත් ජාත්යන්තර ගුවන්තොටුපළේදී මෙම උමතු සිදුවීම සිදු වූ බව ජ්යාත්යන්තර මාධ්ය වාර්තා කළා.
ගුවන් තොටුපළේ නිරුවතින් සැරිසැරූ ඇය මිනිසුන්ට පැන්සල්වලින් අනිමින් කාර්යමණ්ඩලයට පහර දුන් බව සඳහන්ය.
පසුව අත් අඩංගුවට පත් වීමෙන් පසු ඇයට එදින ඇගේ ඖෂධ ගැනීමට අමතක වූ බව පැවසූ අතර ඇගේ අට හැවිරිදි දියණිය සමඟ ගමන් කරමින් සිටි බව පවසා තිබුණා.
ඇගේ උමතු හැසිරීම දුටු මඟීන් කම්පාවට පත් වූ අතර ඇය ගුවන් තොටුපළේ රූපවාහිනී ඇතුළු සැලකිය යුතු දේපළ ප්රමාණයකට ද හානි සිදු කර තිබූ බවයි වැඩිදුරටත් වාර්තා වන්නේ.
