ආසියාවේ ලොකුම සල්ලිකාරයාගේ බාල පුතා ආනන්ත් අම්බානි කිලෝමීටර් 140 ක වන්දනා පාද යාත්රාවකට එකතු වුණු පුවතකට ඉන්දීය සමාජ මාධ්යවල ඉහළ ප්රතිචාරයක් හිමිවී තිබුණා.
ජම්නගර් සිට ද්වාරකා දක්වා මේ ගමන අතරතුර ඝාතනය සඳහා ප්රවාහනය කරමින් සිටි කුකුල්ලු 250 ක් බේරා ගැනීමට ආනන්ත් කටයුතු කර තිබීම තමයි මෙයට හේතුවුණේ.
ආනන්ත් එම කුකුළන් විකිණීමට ගිය මුදලට වඩා දෙගුණයක් මුදල් ගෙවා බේරා ගත් බවයි සමාජ මාධ්ය වාර්තාවල දැක්වුණේ.
මෙම සිදුවීමේ වීඩියෝවක් ද සමාජ මාධ්යවල වෛරල් වුණා.
ආනන්ත්අම්බානි තම අතේ කුකුළෙකු රැගෙන ඇවිද යන ආකාරයත් “ඔවුන් සියල්ලන්ම බේරා ගන්න. ඔවුන් මිලදී ගන්න. ඔවුන්ගේ හිමිකරුට ගෙවන්න, අපි ඔවුන් ගැන බලාගන්නම්” යනුවෙන් උද්යෝගයෙන් පවසන ආකාරය එම වීඩියෝ පටයේ සටහන් වී තිබුණා.
එම සතුන් සත්ව අභය භූමියකට මුදාහැරීමට ද ඔහු උපදෙස් දී ඇති බවයි වාර්තා වන්නේ.
පාගමන අතරතුර ඔහු සෑම රාත්රියකම කිලෝමීටර් 10ක් 12ක් ඇවිද යන බව සඳහන්ය. අතරමඟදී ඔහු ප්රධාන ආගමික සිද්ධස්ථාන වෙත ගොස් වැඳ පුදා ගන්නා බව පැවසෙනවා. මේදක්වා පාගමනේ ඔහු කිලෝමීටර් 60කට ආසන්න දුරක් ගෙවා අවසන් ය.
ද්වාරකාවට ළඟා වූ පසු, ඔහු ප්රසිද්ධ ද්වාරකාධිෂ් දේවාලයේ දී ක්රිෂ්ණා දෙවියන්ගේ ආශිර්වාදය ලබා ගනු ඇති බවයි වැඩිදුරටත් වාර්තා වන්නේ.
