හිටපු අමාත්‍ය මහින්දානන්ද අලුත්ගමගේ අත්අඩංගුවට ගැනීම සඳහා අල්ලස් හා දූෂණ විමර්ශන කොමිෂන් සභාව කොළඹ මහේස්ත්‍රාත් අධිකරණයෙන් වරෙන්තුවක් ලබා ගෙන තිබෙනවා.
ඒ ඔහු අමාත්‍ය ධුරය දැරූ සමයේ චීනයෙන් පොහොර ගෙන්වීමේ සිදුවීමට අදාළවයි.
මේ වන විට ඔහුව අත්අඩංගුවට ගැනීම සඳහා රාජගිරියේ ඔහු පදිංචි නිවස සෝදිසි කිරීමට පොලිසිය පියවර ගෙන ඇති බවයි වාර්තා වන්නේ.
කෙසේ වෙතත් ඔහු එම ස්ථානයේ නොසිටීම නිසා ඔහු සොයා පොලිස් කණ්ඩායම් යොදා ඇතැයි පොලිස් ආරංචිමාර්ග සඳහන් කරනවා.
කොළඹ මහේස්ත්‍රාත් අධිකරණය මෙම වරෙන්තුව නිකුත් කරනු ලැබුවේ අද (මැයි 16) දිනයේය.
