මෙවර පළාත් පාලන මැතිවරණයේ කොළඹ මහා නගර සභාවේ බලය පිහිටුවීමට ආණ්ඩු පක්ෂය වන ජාතික ජන බලවේගය මෙන්ම විපක්ෂය ද දරන උත්සහාය තවමත් අවසන් වී නැහැ.
මේ අනුව ජාතික ජන බලවේගය ස්වාධීන අපේක්ෂකයින් සමඟ ඊයේ (19) පැවති සාකච්ඡා සාර්ථක වූ බව අභ්යන්තර ආරංචි මාර්ග සඳහන් කළා.
කෙසේ වෙතත් සභාවේ බලය පිහිටුවීම සඳහා එම ස්වාධීන අපේක්ෂකයින්ගේ සහාය පමණක් ප්රමාණවත් නොවන බැවින් ජාතික ජන බලවේගය මේ වන විට එක්සත් ජාතික පක්ෂයේ සහ සමගි ජන බලවේගයේ මන්ත්රීවරුන් කිහිප දෙනෙකුගේ සහාය ලබා ගැනීමට ද අපේක්ෂා කරන බවයි වාර්තා වන්නේ. ඒ අනුව තවත් සාකච්ඡා කිහිපයක් ඉදිරියේ දී සිදු වීමට නියමිතය.
කිසිවකුට බහුතරයක් හිමි නොවූ කොළඹ මහ නගර සභා බලය පිහිටුවීම සඳහා ජාතික ජන බලවේගය බහුතරය සකස් කර ගැනීම ඒ අනුව ආසන්න මට්ටමක පවතින බව වාර්තා වෙනවා.
කොළඹ නගර සභාවට ස්වාධීන මන්ත්රීවරුන් නව දෙනෙකු තේරී පත්වී සිටින අතර ජාතික ජන බලවේගය දිනා සිටින ආසන සංඛ්යාව හතළිස් අටකි.
නමුත් කොළඹ නගර සභාවේ බලය පිහිටුවීමට ආසන පනස් නවයක් අවශ්ය වී තිබෙනවා.
