ඉන්දියාවේ ප්‍රදේශ ගණනාවක කොවිඩ්-19 රෝගීන් ඉහළ යමින් පවතින බව ඉන්දීය මාධ්‍ය වාර්තා පවසනවා.
ආසාදනවල තවදුරටත් වැඩිවීම සිදුවුවහොත් එය මැඬ පැවැත්වීම සඳහා එරට සෞඛ්‍ය පද්ධතිය සුදානම් කරමින් පවතින බවයි වාර්තා වන්නේ.
මේ අනුව රෝහල්වලට අවශ්‍ය ඇඳන්, ඔක්සිජන්, ඖෂධ සහ එන්නත් ලබා ගැනීමට අවශ්‍ය කටයුතු සිදු වෙමින් පවතී. විවිධ ප්‍රාන්තවලින් වාර්තා වී අති රෝගීන් මෘදු ලක්ෂණ පෙන්නුම් කරනු ලබන අතර රෝගීන් නිවාස රැකවරණය යටතේ සිටින බව නිල ආරංචි මාර්ග සඳහන් කර තිබෙනවා.
රෝගීන් වාර්තා කර ඇති ප්‍රාන්ත හා නගර අතරට කේරළය, තමිල්නාඩු, මහාරාෂ්ට්‍ර, කර්ණාටක සහ දිල්ලිය ඇතුළත්ය.
ආසාදන වාර්තා වූ රෝහල් සඳහා උපදේශන නිකුත් කිරීමටද සෞඛ්‍ය බලධාරීන් මේ වන විට පියවර ගෙන තිබෙනවා.
