කොතලාවල ආරක්ෂක විශ්වවිද්‍යාලය (KDU) ජාත්‍යන්තර ආරක්ෂක විශ්වවිද්‍යාලයක් බවට පත් කිරීමට නියමිත බව අග්‍රාමාත්‍ය හරිනි අමරසූරිය මෙනවිය අද (ජුනි 04) පාර්ලිමේන්තුවේදී ප්‍රකාශ කළා.
පාර්ලිමේන්තු මන්ත්‍රී රවී කරුණානායක මහතා මතු කළ ප්‍රශ්නයකට පිළිතුරු දෙමින් අග්‍රාමාත්‍යවරිය පැවසුවේ කොතලාවල විශ්වවිද්‍යාලය ජාත්‍යන්තර ආරක්ෂක විශ්වවිද්‍යාලයක් බවට පත් කිරීම සඳහා නීති ප්‍රතිසංස්කරණ ගෙන ඒමට රජය සැලසුම් කරන බවයි.
විශ්ව විද්‍යාලය පිහිටුවීම සඳහා ඉඩම පරිත්‍යාග කළ අභාවප්‍රාප්ත අගමැති ජෝන් කොතලාවල මහතාගේ කැමැත්ත එය බව ඇය කියා සිටියා.
අග්‍රාමාත්‍යවරිය වැඩිදුරටත් ප්‍රකාශ කරනු ලැබුවේ පෙර රජයන් කොතලාවල ආරක්ෂක විශ්වවිද්‍යාලය පවත්වාගෙන ගියේ ඔවුන්ගේ අභිමතයන් අනුව බවයි.
