දකුණු ගාසා තීරයේ ඛාන් යුනිස්හි ආධාර බෙදාහැරීමේ ස්ථානයකට ඊශ්රායල හමුදා විසින් එල්ල කළ ප්රහාරයකින් පලස්තීන ජාතිකයින් 51 දෙනෙකු අධික පිරිසක් මියගොස් ඇති බව විදෙස් මාධ්ය වාර්තා පවසනවා.
ප්රහාරෙයෙන් මිය ගොස් ඇත්තේ අලුයම ආධාර ට්රක් එනතුරු මඟ බලා සිටි සිවිල් වැසියන් පිරිසක් බවයි වාර්තා වන්නේ.
ප්රහාරයෙන් 200කට වැඩි පිරිසක් තුවාල ලබා ඇති බව විදෙස් මාධ්ය පවසනවා. ගාසා තීරයේ ආධාර බෙදා හැරීමේ ස්ථාන අසල දෛනිකව වෙඩි තැබීම් සිදුවන අතර වැඩිම පිරිසක් මියගිය හා තුවාල ලැබූ සිදුවීම මෙය බව සඳහන්ය.
ලෝක ආහාර වැඩසටහන යටතේ පිටි ලබා දෙන තවත් ස්ථානයකට ඊශ්රායල හමුදා ෂෙල් වෙඩි ප්රහාර එල්ල කර ඇති බවද මේ අතර වාර්තා වුණා.
සෞඛ්ය අමාත්යාංශයට අනුව, ඊශ්රායලය ගාසා තීරයේ සති 11 ක සම්පූර්ණ අවහිරය ඉවත් කර ආධාර නැවත ඇතුළු වීමට ඉඩ දීමෙන් පසු ආධාර මධ්යස්ථාන අසල පලස්තීනුවන් 400 කට ආසන්න සංඛ්යාවක් මිය ගොස් ඇති බව සඳහන්ය.
