Big Boss 13 රියැලිටි වැඩසටහන ඔස්සේ ජනප්‍රිය වූ ෂෙෆාලි ජරිවාලා හදිසි හෘදයාබාධයකින් ජීවිතක්ෂයට පත් වූ බව ඉන්දීය මාධ්‍ය වාර්තා කර තිබෙනවා.
මිය යන විට ඇගේ වයස අවුරුදු 42කි. හෘදයාබාධයට ලක් වීමෙන් අනතුරුව ඇය මුම්බායිහි රෝහලකට ඇතුළත් කරනු ලැබුවද ඇතුළත් කිරීමට පෙර ඇය මියගොස් සිට ඇති බව වාර්තා පවසනවා.
ඇයගේ සැමියාවන රංගන ශිල්පී පරාග් ත්‍යාගි විසින් ඇයව රෝහලට ඇතුළත් කළ බව සඳහන් ය.
ඇගේ හදිසි මරණය බොහෝ රසිකයින්ට විශ්වාස කළ නොහැකි පුවතක් බවට පත්ව තිබුණු අතර ඇගේ අවසන් ඉන්ස්ටග්‍රෑම් සටහන බෙදා ගනිමින් ඔවුන් ශෝක ප්‍රකාශකර ඇති ආකාරය දැකගත හැකියි.
