ගෙයින් ගෙට ගොස් බඩු විකුණූ ‘විවේක්’ වසරකට බිලියනයක් හොයන රහස

බොලිවුඩ් සිනමාවේ දශක දෙකක් වැනි කාලයක් ගත කරලා අද වෙනකොට ව්‍යාපාර ලෝකෙ බිලියනපතියෙකු වුණු තවත් නළුවෙක් තමයි විවේක් ඔබරෝයි කියන්නෙ.

ඔහුව චිත්‍රපට ලෝකයෙන් වෙනම මානයකට අරගෙන ගියේ ඔහු තුළ ඇති වුණු එකම එක සිතුවිල්ලකින්.

ඒ බොලිවුඩය තුළ තමන් එකම තැන පල්වෙමින් සිටිනවාය යන අදහසයි.

මේ සිතුවිල්ල ඔහුව ව්‍යාපාර ලෝකය කෙරෙහි ආක්‍රමණශීලී වීමට බලපෑම් කළ සාධකයයි.

මේ සිතුවිල්ල විවේක් තුළ ඇති කළේ කළකිරීමක්. දිගටම චිත්‍රපටවල වැඩකිරීම, ෆ්ලොප් වීම් තවදුරටත් දරාගන්න බැරි තැනකට ඇවිත් තිබුණා

ව්‍යවසායකත්වය හඹා යාමට ඔහු තල්ලු වුණේ ඒ විදියටයි. දැන් ඔහුගේ ප්‍රධාන ජීවනෝපාය චිත්‍රපට නෙවෙයි. ඔහුගේම ව්‍යාපාර අධිරාජ්‍යයයි.

මෑතක සම්මුඛ සාකච්ඡාවක් අතරතුර ඔහු මේ බව අනාවරණය කර තිබුණේ මෙහෙමයි.

“කර්මාන්තයේ ටික කලක් ඉන්නාවිට මම රවුමක ඇවිද යන බවක් වැටහුණා. මට ඒක රසවිඳීමට බැරිවුණා. මම එහි සිටීම සහ ඇතැම් පුද්ගලයින් සමඟ සහයෝගයෙන් කටයුතු කිරීම භුක්ති වින්දා. නමුත් ඒක බල ගැන්වීමක් වුනේ නැහැ”

විවේක්ට ව්‍යාපාර කෙරෙහි මුල්ම උනන්දුව ඇති කළ චරිතය වුණේ ඔහුගේ පියාය. විවේක්ගේ පියා නළුවකු ද වන සුරේෂ් ඔබරෝයිය.

ඔහුගේ පියා භාණ්ඩ වට්ටෝරු ගෙනැවිත් ඒවා ගෙයින් ගෙට විකිණීමට තමාව පෙළඹවූ බවයි විවේක් කියන්නෙ.

“මට වයස අවුරුදු නවයක් හෝ දහයක් වන විට, ඔහු හදිසියේම ඉන්වෙන්ටරි සමඟ පෙනී සිටියා. එක් වසරක් එය සුවඳ විලවුන්.. තවත් වසරක් එය ඉලෙක්ට්‍රොනික උපකරණ වුණා. මම එය මගේ බෑගයේ පුරවා ගෙයින් ගෙට ගියා. දවස අවසානයේදී, ඔහු මගෙන් වියදම ලබා ගෙන ලාභය පමණක් තබා ගැනීමට ඉඩ දුන්නා”

මේ වන විට විවේක් සමාගම් 12 කට ක්‍රියාකාරීව වගකියයි. ඉන් දෙකක් මූලික මහජන නිකුතුවකට ද සූදානම් කරමින් පවතී. පසුගිය වසර තුළ පමණක්, ඔහු පවසන්නේ ඔහු ඩොලර් බිලියන 1 ක (ඉන්දියානු රුපියල් කෝටි 8,500) පමණ ප්‍රාග්ධනය රැස් කර ඇති බවයි.

විවේක් ඔබරෝයිගේ ශුද්ධ වටිනාකම මේ වන විට ඉන්දියානු රුපියල් කෝටි 1,200 ක් පමණ වෙනවා.

Latest News

More like this

කැලණිය ප්‍රාදේශීය සභාවේ යමක් සිදු වෙමින් පවතී..

මම මෑත දිනයක කැලණිය ප්‍රාදේශීය සභාවට ගියේ නිවසට අදාළ...

ජනප්‍රිය දකුණු කොරියානු නිළිය සමුගනී

දකුණු කොරියානු නිළි ලී සියෝ-යි (Lee Seo-yi) වයස අවුරුදු...

සාරා සහ ආදිත්‍ය රෝයි කපූර්ගේ මෙට්‍රෝ දුම්රිය ගමන

ආදිත්‍ය රෝයි කපූර් හා සාරා අලි ඛාන් රංගනයෙන් දායකවන...

ඉන්දියාවේ ජනප්‍රිය තරුවගේ මරණයට හේතුව සුදු වීමට එන්නත් කරගත් ග්ලූටතියෝන් ද?

ජනප්‍රිය ගීතයක් වන Kaanta Laga ගීතයේ මියුසික් වීඩියෝවෙන් ඉන්දියාව...
error: Content is protected !!