ලෝකයේ වඩාත්ම ජනප්‍රිය යූ ටියුබර්වරයා වන MrBeast, සෞදි අරාබියේ රියාද් නුවර ‘බීස්ට් ලෑන්ඩ්’ (Beast Land) නමින් නව තේමා උද්‍යානයක් ඉදිකර තිබෙනවා.
සෞදි අරාබිය ගෝලීය විනෝදාස්වාද ගමනාන්තයක් බවට පත්කිරීමේ වෑයමක නිරත වන මොහොතක, ක්‍රිස්ටියානෝ රොනාල්ඩෝ, නයෝමි කැම්බල්, සෝෆියා වර්ගේරා වැනි ලොව ප්‍රමුඛ පෙළේ තරු ගෙන ඒමෙන් පසු, මේ වන විට MrBeast ද ඊට එක් වී සිටිනවා.
MrBeast, මෙම මාසයේදී බිලියන 100ක නැරඹුම් වාර සංඛ්‍යාවක් වාර්තා කර තිබෙනවා.
ඔහුගේ වීඩියෝ පදනම් කර ගනිමින් නිර්මාණය කර ඇති මෙම තේමා උද්‍යානය, විශාල මුදල් ත්‍යාග දිනා ගැනීම සඳහා මිනිසුන් සංකීර්ණ විඳදරාගැනීමේ අභියෝගවලට ලක් කරන අයුරින් නිර්මාණය වී ඇත.
“මේක මගේ ජීවිතේ හොඳම දවස් වලින් එකක් වෙන්න ඇති. මට ලැබෙන ඉහළම ඉල්ලීම්වලින් එකක් තමයි: මට MrBeast වීඩියෝ එකක ඉන්න ඕන කියලා… ඒ නිසා දැන් ඒක සැබෑ ජීවිතයේ නිර්මාණය කරනවා, ඔබට ඇවිත් ඒක අත්විඳින්න පුළුවන්,” යනුවෙන් ඔහු පවසා තිබෙනවා.
පසුගිය දශකය තුළ, වරක් අතිශය ගතානුගතික වූ සෞදි අරාබිය, තෙල් මත යැපීමෙන් මුදවා සමාජය පරිවර්තනය කිරීම සඳහා කිරුළ හිමි කුමරු මොහොමඩ් බින් සල්මාන්ගේ “Vision 2030” වැඩපිළිවෙළේ කොටසක් ලෙස විනෝදාස්වාද විකල්ප වේගයෙන් සංවර්ධනය කර තිබුණා.
සිනමාහල් සහ ප්‍රසංග තහනම් කර තිබූ බැවින්, තරුණ සෞදි ජාතිකයින්ට විනෝද වීමට අවස්ථා ඉතා අල්ප වූ අතර, එය දැන් වෙනස් වී තිබෙනවා.
