90 දශකයේ අගභාගයේ සුභාෂ් ගයි අධ්යක්ෂණය කළ පර්දේස් කියන්නේ මහීමා චෞද්රි කළ එළි බැස්ස චිත්රපටය. ඇය සහ ෂාරුක් ඛාන් එහි අමතක නොවන භූමිකාවක් සිදු කළා.
මහීමා චෞද්රි කිව්වම අපට අමතකම නොවන රංගනය ඇය සිදු කළේ ‘දිල් ක්යා කරේ’ චිත්රපටයේ. විශේෂයෙන් කාජල්ගෙයි අජේ දෙව්ගන්ගෙයි අප්රකාශිත ඒත් නොහිතුව විදියට දුර ගිය ආදරය ඉදිරියේ අසරණ වන බිරිඳ වුණේ ඇයයි. එහි ඇය අජේගේ බිරිඳ විදියටත් අජේ සහ කාජල්ගේ අහඹු සබඳතාවක ප්රතිඵලයක් ලෙස බිහිවන දරුවාගේ අම්මා වෙමින් අපුරු රංගනයක් සිදුකළා.
පස්සේ කාලෙක ඇය සිනමාවෙන් තාවකාලිකව ඈත් වෙලා හිටියා වගේම නැවත කරළියට ආවේ මෑතකදී තිරගත වුණේ නාඩානියන් චිත්රපටයත් එක්ක. මේ කාල සීමාව අතර තුර මහීමා ජීවිතේ දරුණුම කඩ ඉමක් පහු කරලා තිබුණා. ඒ 2022 අවුරුද්දේ ඇය පිළිකා රෝගයට ගොදුරු වීම නිසා. මාරාන්තික රෝගයත් එක්ක ඇගේ දරුණු සටන අතරේ ඇය ඒ පිළිබඳ මාධ්යට වැඩිපුර විවෘත වුණේ නැහැ.
පළමුවරට ඇය 2025 තරුණ කාන්තා පියයුරු පිළිකා සමුළුවේදී ඒ පිළිබඳ විවෘත වෙමින් පියයුරු පිළිකාවට එරෙහිව සටන් කිරීමේ කම්පන සහගත ගමන් මඟ ගැන අනාවරණයක් කළා. ඇගේ රෝග විනිශ්චයන් කිසිදු පූර්ව රෝග ලක්ෂණයක් හෝ අනතුරු ඇඟවීම් කිසිවක් නොමැතිව සාමාන්ය වාර්ෂික පරීක්ෂාවකදී අනාවරණය වූවක් බවයි ඇය පවසන්නේ.
“රෝග ලක්ෂණ කිසිවක් තිබුණේ නෑ. මම පියයුරු පිළිකා පරීක්ෂාවකට ගියේ නැහැ. රෝගය හඳුනාගත්තේ සාමාන්ය වාර්ෂික පියයුරු පරීක්ෂාවකදී. රෝගය මා තුළ හඳුනාගත් කාලයට වඩා දැන් සේරම වෙනස් වෙලා තියෙනවා. ඖෂධ ලාභදායි වෙලා තියෙනවා. ඒ නිසා රෝගය කලින් හඳුනා ගැනීමට කල්පනා කාරී වෙන්න” යැයි ඇය එහිදී පවසා තිබෙනවා.
රෝගය හඳුනා ගැනීම සිදුවූයේ පුදුම සහගත ආකාරයට බව ඇය සඳහන් කර තිබෙනවා.
