ස්ත්‍රී පුරුෂ සමාජ භාවය මත පදනම් වූ ප්‍රචණ්ඩත්වය වැළැක්වීම සඳහා පාසල් වෑන් රථ ඇතුළු පොදු ප්‍රවාහන සේවාවල CCTV කැමරා සවි කරන බව සභානායක, ප්‍රවාහන, මහාමාර්ග සහ නාගරික සංවර්ධන අමාත්‍ය බිමල් රත්නායක මහතා ඊයේ (24) පාර්ලිමේන්තුව හමුවේ ප්‍රකාශ කළා.
පාසල් වෑන් රථවලට සී.සී.ටී.වී. සවි කිරීම ලබන ජනවාරි මාසයේ සිට අනිවාර්ය වෙනවා.
ඒ අනුව පාසල් වෑන් රථ සහ කාර්යාල වෑන් රථ සඳහා උපදෙස් මාලාවක් ජනවාරි මාසයේ නිකුත් කරන බව ද ඇමැතිවරයා පාර්ලිමේන්තව හමුවේ කියා සිටියා.
අමාත්‍යවරයා මේ බව සඳහන් කළේ විසර්ජන පනත් කෙටුම්පත් කාරක සභා විවාදයට එක්වෙමිනි.
සී.සී.ටී.වී. සවි කිරීම මඟින් මවුපියන්ට තම දරුවා සම්බන්ධයෙන් නිවසේ සිටම දැන ගත හැකි බව ද ඇමැතිවරයා ප්‍රකාශ කරනු ලැබුවා. බස් සහ ත්‍රිරෝද කර්මාන්ත වෘත්තීය මට්ටමට ගෙන යා යුතු යැයිද හෙතෙම මෙහිදී පැවසුවේය.
