බොලිවුඩයේ අති දක්ෂ කලාකරුවන්ගෙන් එක් අයෙක් වන ෆර්හාන් අක්තාර් ප්රවීණ නළු අමීර් ඛාන් සමඟ ආරම්භ කර තිබූ චිත්රපටයකින් හදිසියේ ඉවත්ව තිබෙනවා.
2018 වසරේ තිරගත වූ ස්පාඤ්ඤ චිත්රපටයක් වන Campeones ප්රතිනිර්මාණය කරමින් අමීර් ඛාන් නිර්මාණය කරනු ලබන Champions චිත්රපටයේ ඔහු ප්රධාන භූමිකාවක් නිරූපනය කිරීමට සූදානමින් සිටියා.
චිත්රපටිය මේ වසරේ ඔක්තෝම්බර් මාසයේදී තිරගත වීමට නියමිතව තිබුණ නමුත්, කණ්ඩායම තවමත් තවත් නළු නිළියන් කිහිප දෙනෙකු තෝරා ගැනීමට බලාපොරොත්තු වන බැවින් දිනය 2024 ජනවාරි දක්වා තල්ලු වී යාම නිසා ෆර්හාන් මෙම තීරණය ගෙන ඇති බවයි වාර්තා වෙන්නේ.
මේ අතර ෆර්හාන් “Don 3” නිවේදනය කර ඇති අතර ඔහු ලබන වසරේ සිට එහි පූර්ව නිෂ්පාදන කටයුතු සඳහා සැබවින්ම කාර්යබහුල වනු ඇතැයි පැවසෙනවා.
මේ හේතුවෙන් ඔහු Champions වෙතින් ඉවත් වීම පිළිබඳ අමීර්ට මේ වන විටත් දන්වා ඇති බව වාර්තා වෙනවා.
