ලිංගික අපයෝජන නඩුවක් සම්බන්ධයෙන් සිඩ්නි අධිකරණයක් විසින් නිවැරැදිකරුවෙකු ලෙස තීන්දු කිරීමෙන් පසු ශ්රී ලංකා ක්රිකට් ක්රීඩක ධනුෂ්ක ගුණතිලක නැවත මෙරටට පැමිණීමට සූදානම් බව වාර්තා පවසනවා.
ඔහු ලංකාව බලා පැමිණෙන්නේ මාස 11 ක කාලයකට පසුවයි.
විනිසුරුවරයාට පමණක් සීමා වූ නඩු විභාගයකට මුහුණ දුන් ධනුෂ්ක අද රාත්රියේ ශ්රී ලංකාවට පැමිණීමට නියමිතයි.
ඔහු ඕස්ට්රේලියාවේ සිටි කාලය පුරා ඔහුට උපකාර කරන ලද බව කියන ඔහුගේ සුදුජාතික පෙම්වතිය ද ඔහු සමඟ ලංකාවට පැමිණෙනු ඇති බවයි පැවසෙන්නේ.
කෙසේ වෙතත් ධනුෂ්ක ගුණතිලක සියලු චෝදනාවලින් නිදහස් කරමින් ලිංගික අතවර නඩුවේ තීන්දුව ලබා දී තිබියදීත්, ක්රිකට් ක්රීඩකයාට පනවා ඇති තාවකාලික තහනම ශ්රී ලංකා ක්රිකට් ආයතනය තවමත් තීරණයක් ප්රකාශයට පත් කර නොමැති බව වාර්තා වෙනවා.
