මාළිමාවේ නායකයන් අත්අඩංගුවට ගැනීමක් සිදු කළොත් එදාට ආණ්ඩුව නිසැකවම ගෙදර යවන බවට ජාතික ජන බලවෙිගයෙ විධායක කමිටු සාමාජික මහින්ද ජයසිංහ මහතා පවසා තිබෙනවා.
මාළිමාවේ නායකයන් අත්අඩංගුවට ගැනීමේ සූදානමක් පිළිබඳව ආණ්ඩුව තුළ සිදුවුන කුමන්ත්‍රණයන් පිළිබඳව යම් යම් තොරතුරු වාර්තා වෙමින් පවතින බවයි ඔහු පැවසුවේ.
ඔහු මේ බව පැවසුවේ අන්තර්ජාල නාළිකාවකට සාකච්ඡාවක් ලබා දෙමින්.
ආණ්ඩුවට එරෙහිව මහ පාරට බසින ජනතාවට සහ සිය අයිතීන් ලබා ගැනීම වෙනුවෙන් මහ පාරට බසින ගුරුවරුන් මෙන්ම වෘත්තීය සමිති නායකයන් මර්දනය කිරීමට ආණ්ඩු උත්සාහ දරමින් සිටින බව ඔහු පවසනවා.
ඉදිරියේ දී ආණ්ඩුව මැතිවරණයක් ලබා නොදෙන්නේ නම් ජාතික ජන බලවේගය මහපාරට බැස ජනතාව සමඟ මැතිවරණයක් දිනාගැනීමට කටයුතු කරන බව ද ඔහු වැඩිදුරටත් පවසා සිටියා.
