ජාතික ජන බලවේගයේ නැගී එන කාන්තා දේශපාලන චරිත කිහිපයකට එරෙහිව දමිතා අබේරත්න සහ හිරුණිකා ප්රේමචන්ද්ර ඉස්මතු කිරීමට සමගි ජන බලවේගයේ ප්රචාරක බලකායේ මාධ්ය ආයතන කිහිපයක් විසින් කටයුතු කරමින් සිටින බව වාර්තා වේ.
ජාතික ජන බලවේගයේ නැගී එන කාන්තා ප්රතිරූපය වන හරිනි අමරසූරියට පහර එල්ල කිරීමත් දමිතා සහ හිරුණිකා ඉස්මතු කිරීමත් ඔවුන්ගේ ප්රධාන ඉලක්කය වී තිබේ.
ඒ අනුව එම මාධ්ය ආයතන මේ වන විට දමිතාට අත් වී ඇති ඉරණම ඇය අරගලය වෙනුවෙන් පෙනී සිටීම නිසා සිදුවූවක් බවට තර්කයක් ගොඩ ගනිමින් සිටියි.
අප කවුරුත් දන්නා පරිදි දමිතා සහ ඇගේ සැමියා මේ වන විට රිමාන්ඩ් භාරයේ සිටින්නේ අරගලයක් හා සම්බන්ධ සිදු වීමකට නොව කොරියානු රැකියා ලබා දෙන බව පවසා පුද්ගලයෙකුන් රු ලක්ෂ 30ක මුදලක් වංචා කිරීමේ සිද්ධියකට අදාළවයි.
නමුත් එම ප්රධාන සිදුවීම මඟහැර දමිතා අරගලයේ වීරවරියක් ලෙස ඉස්මතු කිරීමට අසාර්ථක උත්සහයක යෙදෙන සජබ හිතවාදී මාධ්ය කණ්ඩායම් ඇයට එල්ල වී ඇති මූල්ය වංචා චෝදනාව වසන් කරමින් ඇය අරගලයේ චරිතයක් ලෙස නම් කරමින් හා හිරුණිකා ගෝඨාභය රාජපක්ෂ ගෙදර යැවීමේ සටනට මුල් වූ බව පවසමින් ආචාර්ය හරිනි අරගලයේ භූමිකාවක් ඉටු නොකළ බව පවසමින් ඇය හෙළා දකින වැඩපිළිවෙළක් ආරම්භ කර ඇති බවයි පැවසෙන්නේ.
