සම්භාහන මධ්‍යස්ථාන වලින් සිදු වන්නේ සේවාවක් බවත් මනුෂ්‍ය අවශ්‍යතාවක් වන එම සේවාව ඉල්ලුමට අනුව සැපයිය යුතු බවත් ඒ සඳහා නියාමනයක් ඇති කළ යුතු බව පාර්ලිමේන්තු මන්ත්‍රීනි ඩයනා ගමගේ පවසනවා.
ඒ අනුව එම සේවාව සපයන අයගේ සෞඛ්‍ය තත්ත්වය නිරන්තරයෙන් පරීක්ෂා කළ යුතු බවයි ඇය සඳහන් කරන්නේ.
“මේවට මිනිස්සු යන්නෙ තමන්ගෙ ඇඟ සම්බාහනය කරගන්න. හෙඩ් මසාර්ජර්ස්වලට .ෆුට් මසාරජ්ස්වලට. වෙල්නස් සෙන්ටර් තමයි ස්පා කියල හඳුන්වන්නෙ ලෝකෙ ඕනම තැනක.
නමුත් ස්පා කියන එක අපේ රට තුල වෙනමම දේකට යොදගෙන තියෙනවා.
ස්පා 600 ගාණක් තියෙනව. තලවතුගොඩ, හෝකන්දර, කෝට්ටෙ, ඇතුල් කෝට්ටෙ, මාළඹේ පන්නිපිටිය මේ ඒරියාස් ගත්තොත් ඔක්කොම 600 ගාණක් තියෙනවා. මම කියන්නෙ මම දන්න මම දැකලා තියෙන දේවල්.
මේවට යන්නෙ වෙල්නස්වලටමද? අපි හොඳටම දන්නව මෙතන වෙන්නෙ ඒක නෙවෙයි. අපේ මිනිස්සු ඇත්ත වහලා බොරුවෙන් ජීවත් වෙන්නෙ. මම ඒකට කැමති නෑ. මම කියන්නෙ මේ ඇත්‍තට මුහුණ දිය යුතුයි. මේ ඇත්ත නවත්තන්න බෑ අපට. මෙතනින් වෙන්නෙ සේවාවක්. මේක නියාමනය කරන්න ඕන. සේවාව සපයන අය මෙඩිකල් චෙකප්ස්වලට යොමු කරන්න ඕන. නැත්නම් ලොකු ව්‍යසනයකින් මේක ඉවරප වෙන එක නතර කරන්න බෑ”
