අනුරගේ කැබිනට් මණ්ඩලයත් හරි. පාර්ලිමේන්තුවත් විසුරුවන බව කියයි

ජාතික ජන බලවේගය විසින් පිහිටුවන අමාත්‍ය මණ්ඩලය 25 කට සීමා කරන බව ජාතික ජන බලවේගයේ නායක අනුර කුමාර දිසානායක මහතා පවසනවා.

ඒ සඳහා තෝරා පත් කරගනු ලබන අමාත්‍යවරුන් මේ වන විටත් සූදානම් කර අවසන් බව ඔහු පැවසුවා.

එම අමාත්‍යංශ සඳහා අමාත්‍යංශ ලේකම්වරුන්ද විසි පස්දෙනෙකු පත් කරන බවයි ඔහු සඳහන් කළේ.

ජාතික ජන බලවේගය ඊයේ (01) කොළඹදී පවත්වන ලද මැයි රැළිය අමතමින් ඒ මහතා මේ බව සඳහන් කළා.

ජනාධිපතිවරණයෙන් ජයගත් පසු එදිනම පාර්ලිමේන්තුව විසුරුවා හරින බව ද ඔහු පවසා සිටියා.