සමීක්ෂණ මත පදනම්ව සෑම විටම සිය දේශපාලන තීන්දු තීරණ ගනු ලබන ජනපති රනිල් වික්රමසිංහ මහතා මැයි මාසය අග වන විට ප්රකට සමීක්ෂණ පවත්වනු ලබන ආයතනයක් මඟින් දිවයින පුරා සිදු කරන සමීක්ෂණයේ ප්රතිඵලය අනුව ජනාධිපතිවරණයට ඉදිරිපත් වීම පිළිබඳ තීන්දුවක් ගැනීමට නියමිත බව සමගි ජනබලවේගයේ පාර්ලිමේන්තු මන්ත්රී නලින් බණ්ඩාර මහතා පවසයි.
ඔහු මේ බව සඳහන් කළේ රූපවාහිනී දේශපාලන සංවාදයක් අතරයි.
මේ වන විට හාල් බෙදමින්, වතු කම්කරුවන්ගේ වැටුප් වැඩි කරමින් ඔහු එම සමීක්ෂණ ප්රතිඵලය වෙනස් කර ගැනීමට සියලු උත්සහයන් දරනු ඇතිබව ඔහු පවසනවා.
එමෙන්ම එම සමීක්ෂණයේ ප්රතිඵලය අනුව රනිල් වික්රමසිංහ මහතාට ජයග්රහණය කිරීමේ සම්භාවිතාවක් නොමැති නම් ඔහු එළැඹෙන ජනාධිපතිවරණය සඳහා ඉදිරිපත් නොවීමේ වැඩි ඉඩක් පවතින බව නලින් බණ්ඩාර මහතා සඳහන් කළා.
