ජනතාව අතර බෙදුම්වාදී ප්රවණතාවක් අඛණ්ඩව පෝෂණය කරමින් සහ ඉන්දියාවේ, විශේෂයෙන්ම තමිල්නාඩුවේ ඒ සඳහා ආධාර පදනම වැඩි දියුණු කර ගනිමින් සිටින LTTE සංවිධානයට පනවා තිබූ තහනම තවත් වසර පහකින් දීර්ඝ කිරීමට ඉන්දියාව කටයුතු කර තිබෙනවා.
නිවේදනයක් නිකුත් කරමින් ස්වදේශ කටයුතු අමාත්යාංශය කියා සිටියේ LTTE සංවිධානය තවමත් රටේ ඒකාග්රතාවයට සහ ආරක්ෂාවට අගතියක් වන ක්රියාකාරකම්වල නිරත වන බව මධ්යම රජයේ මතය බවයි.
2009 මැයි මාසයේදී ශ්රී ලංකාවේදී ලැබූ සිය හමුදාමය පරාජයෙන් පසුවත්, එල්ටීටීඊය ‘ඊළාම්’ (දෙමළ ජනයාට ස්වාධීන රටක්) යන සංකල්පය අත් හැර නොමැති බවත්, අරමුදල් රැස්කිරීමෙන් සහ ‘ඊළාම්’ අරමුණ වෙනුවෙන් රහසිගතව කටයුතු කරමින් සිටින බවත් එම නිවේදනයේ දැක්වෙනවා.
ප්රචාරක ක්රියාකාරකම් සහ ඉතිරිව සිටින LTTE නායකයින් හෝ සාමාජිකයන් විසිරී සිටින ක්රියාකාරීන් යළි එක්රැස් කර දේශීයව හා ජාත්යන්තරව එම සංවිධානය යළි පණ ගැන්වීමේ උත්සාහයන් ද ආරම්භ කර ඇති බව එහි වැඩි දුරටත් සඳහන්.
