කටුනායක ජ්යාත්යන්තර ගුවන් තොටුපළේ දී එහි සේවය කරන පෝටර්වරයකුට පහර දීමට විරෝධය පළ කරමින් ගාල්ල කරන්දෙණිය ප්රදේශයේ තරුණයින් පිරිසක් රාජ්ය අමාත්ය ප්රසන්න රණවීර වෙත රු 300 ක මුදලක් යැවීමට කටයුතු කර තිබෙනවා.
එම මුදල තැපැල් දෙපාර්තමේන්තුව හරහා මනි ඕඩරයක් ලෙස කතානායකවරයා වෙත ලැබෙන පරිදි යැවීමටයි ඔවුන් කටයුතු කර තිබුණේ.
එම මුදල යවමින් ඔවුන් පවසන්නේ රු 300ක් වැනි මුදලක් නිසා අහිංසක පෝටර් නිලධාරියකුට පහර දීම බෙහෙවින් කණගාටුවට හේතු වූ බවයි.
පසුගිය දා කටුනායක ජ්යාත්යන්තර ගුවන් තොටුපළේ දී පෝටර්වරයකුට පහර දුන් ප්රසන්න රණවීර රාජ්ය අමාත්යවරයා පැවසුවේ ඔහුගෙන් එම සේවකයා රු 1000 ක මුදලක් ඉල්ලු නමුත් ළඟ තිබුණේ රු 700 ක් පමණක් බවයි.
නමුත් ඔහු මේ සම්බන්ධයෙන් යූ ටියුබ් නාලිකාවට අදහස් දක්වමින් පැවසුවේ තමන් එම ස්ථානයට V8 එකකින් ගිය ද එම සේවකයා ඔහු හඳුනා නොගැනීම ගැටලු සහගත බවයි.
