රජයේ නව ආර්ථික පරිවර්තන පනත් කෙටුම්පත ශ්රේෂ්ඨාධිකරණය හමුවේ අභියෝගයට ලක් කරන බව ජාතික ජන බලවේගයේ ආර්ථික කමිටුවේ සභික සුනිල් හඳුන්නෙත්ති මහතා පවසා තිබෙනවා.
“මෙම පනත් කෙටුම්පතෙන් අගතියට පත් සියලු දෙනා වෙනුවෙන් අපි ක්රියාමාර්ග ගන්නවා. මේ සම්බන්ධයෙන් ශ්රේෂ්ඨාධිකරණයට යන්න අපි සූදානම්.” මාධ්ය අමතමින් ඔහු සඳහන් කළා.
දේශීය ව්යවසායකයන්, කර්මාන්තකරුවන් සහ පෞද්ගලික අංශයේ ව්යාපාරිකයන් බරපතළ අර්බුදයකට ඇද දමන ඇතැම් විධිවිධාන සහිත පනත් කෙටුම්පත කඩිමුඩියේ ඉදිරිපත් කළ අතර ගැටලු සහගත වගන්ති කිහිපයක් ඇති බව ඔහු අවධාරණය කර සිටියා.
ප්රධාන විපක්ෂය වන සමගි ජන බලවේගය පනත් කෙටුම්පත සම්බන්ධයෙන් තම ස්ථාවරය ජනතාවට පැහැදිලිව ප්රකාශ කළ යුතු බව ඔහු සඳහන් කළා.
“ඔවුන්ගේ ආර්ථික සැලැස්මේ දක්වා ඇති දේ අනුව SJB මෙම පනත් කෙටුම්පතට විරුද්ධ වන බවක් පෙනෙන්නට නැහැ. මෙය රනිල් වික්රමසිංහ මහතා සජිත් ප්රේමදාස මහතාගේ මෙම විෂය සම්බන්ධයෙන් දරන ස්ථාවරය හෙළි කිරීමට දරණ උත්සාහයක් විය හැකියි.”
නව පනත් කෙටුම්පත ජාත්යන්තර මූල්ය අරමුදලේ අවශ්යතා අනුව වත්මන් ආර්ථිකය සම්පූර්ණයෙන්ම සංශෝධනය කර පරිවර්තනය කරනු ඇති බවට චෝදනා කළ ඔහු නව පනත් කෙටුම්පතට විරුද්ධ වන ලෙස සාමාන්ය ජනතාව සහ ක්රියාකාරීන්ගෙන් ඉල්ලා සිටියා.
