චෙන්නායි හි MA Chodambaram ක්‍රීඩාංගනයේ පැවති IPL අවසන් මහා තරගයේදී Sunrisers Hyderabad පිල පරාජය කළ Kolkata Knight Riders ජයග්‍රහණය කිරීමත් සමඟ එම කණ්ඩායමේ හිමිකරු වන සුපිරි බොලිවුඩ් නළු ෂාරුක් ඛාන් ඔහුගේ පවුල සමඟ එම සතුට බෙදා ගන්නා ආකාරය සියලු දෙනාගේ අවධානයට ලක්ව තිබෙනවා.
ඒ අතර බිරිඳ ගෞරි ඛාන්, ඔහුගේ දියණිය සුහානා ඛාන් හා පුතුන් දෙදෙනා වන ආර්යන් ඛාන් සහ ඒබ්‍රහම් ඛාන් ද සිටියා. ෂාරුක් දියණිය සුහානාව සිප වැළඳ ගනිමින් සතුට බෙදා ගන්නා ආකාරය දැකගන්නට ලැබුණා.
සුහානා කඳුළු සලමින් සතුටුයි ද තාත්තේ. මටත් සතුටුයි යනුවෙන් පවසමින් පියා වැළඳගන්නා ආකාරයත් ෂාරුක්ගේ පුතුන් වන ආර්යන් ඛාන් සහ ඒබ්‍රහම් ඛාන්ද දුවගෙන පැමිණ පියා වැළඳගන්නා ආකාරය කැමරාවල සනිටුහන් වුණේ කින්ග් කාන්ගේ පවුලේ ආදරය ද ලෝකයටම පෙන්නුම් කරමිනි.
