මෙරට සම්ප්‍රාදයික දේශපාලන ප්‍රභූ දේශපාලනය තුළ පවුල් තුළ බලය හුවමාරු කිරීමේ ක්‍රමය ජාතික ජන බලවේගයේ පාලනයක් තුළ අවසන්වන බවත් ඉන්පසු බල හුවමාරුවේ බැටනය මාරුවෙන්නේ සාමාන්‍ය තරුණයා අතට බව ජාතික ජන බලවේගයේ නායක අනුර කුමාර දිසානායක මහතා පවසනවා.
එම බල හුවමාරුව සඳහා සුදුසු අවස්ථාව එනතුරු ධෛර්යයෙන් යුතුව අල්ලාගෙන සිටිය යුතු බව ඔහු ඊයේ (02) කුරුනෑගල තරුණ රැළිය අමතමින් ප්‍රකාශ කළා.
ඒ සඳහා සිය ජීවිතයේ වසර 35 ක කාලයක් විවිධ අවලාද අපහාස,චෝදනා ජනතා ප්‍රතික්ෂේප කිරීම් හමුවේ අල්ලාගෙන සිටි බව ඔහු පවසා සිටියා.
එමෙන්ම පවතින ක්‍රමවේදයට එරෙහිව පැන නැඟුණු අරගලයේ සැබෑ හරයට සමපාතවන එකම දේශපාලනය පවතින්නේ ජාතික ජන බලවේගය සතුව බවත් ඉසෙඩ් සහ ඇල්ෆා පරම්පරාවේ තරුණයින් රටේ අනාගතය වෙනස් කරන ගමනේ තීරණාත්මක මැදිහත්වීම සිදු කර ජාතික ජන බලවේගයට බලය ලබා දෙන දිනය වැඩි ඈතක නොවන බව ඔහු වැඩිදුරටත් සඳහන් කළා.
අනුර කුමාර දිසානායක මහතා කුරුණෑගල තරුණ රැළිය අමතමින් කළ සම්පූර්ණ කතාව..
Lakvahini Youtube Channel..>>
