ඕස්ට්රේලියානුවන් ඔන්ලයින් සූදූ ක්රීඩා සිදු කරනු ලබන වෙබ් අඩවි සඳහා ගෙවීම් කිරීමේ දී ඔවුන්ගේ ක්රෙඩිට් කාඩ්පත් භාවිතා කිරීම ඕස්ට්රේලියානු රජය විසින් තහනම් කර තිබෙනවා.
පසුගිය අඟහරුවාදා සිට ක්රියාත්මක වූ නව නීති යටතේ, අන්තර්ජාල හරහා සූදූ ක්රීඩා කිරීමේ දී ඩිජිටල් මුදල් පසුම්බිවලට සම්බන්ධ Bitcoin වැනි ඩිජිටල් මුදල් වර්ග ඇතුළුව ක්රෙඩිට් කාඩ්පත් භාවිතය නීති විරෝධී වෙනවා.
මෙම නීතිවලට අනුකූල නොවන සමාගම්වලට ඩොලර් 234,750 දක්වා දඩයකට මුහුණ දීමට සිදු වන බව සඳහන්.
සූදුව නිසා ඕස්ට්රේලියානුවන්ට සිදුවන හානි මැඩලීම සඳහා කර්මාන්ත රෙගුලාසි දැඩි කිරීමට රජය ගත් පියවරකට අනුව මෙම නීති ක්රියාවට නැංවෙනවා.
ඔස්ට්රේලියානු සෞඛ්ය හා සුභසාධන ආයතනයන්ට අනුව, ලොව විශාලතම ඒක පුද්ගල පාඩුව නියෝජනය කරමින්, සෑම වසරකම ඔස්ට්රේලියානුවන්ට නීත්යානුකූල සූදු ක්රියාකාරකම් හේතුවෙන් අහිමි වෙන මුදල ඩොලර් බිලියන 25ක්.
සාමාන්ය මාසයකදී ඕස්ට්රේලියානු පිරිමින්ගෙන් අඩකට ආසන්න ප්රමාණයක් සූදු ක්රියාකාරකම් සඳහා වියදම් කරන අතර, වැඩිහිටි ඕස්ට්රේලියානුවන් පස් දෙනෙකුගෙන් දෙදෙනෙකු පමණ අවම වශයෙන් සතිපතා සූදුවේ යෙදෙන බව පැවසෙනවා.
පසුගිය වසරේ, ඇල්බේනියානු කම්කරු රජය ද සූදු ක්රීඩා සඳහා ක්රෙඩිට් කාඩ්පත් තහනම් කිරීමට කකටයුතු කළා.
