අරගල භූමියේ සිටි ප්රකට සමාජ ක්රියාකාරිකයකු වන ෂෙහාන් මාලක ගමගේ පාස්කු ප්රහාරයට යුධ හමුදා බුද්ධි අංශයේ ප්රබලයෙකුගේ සෘජු සම්බන්ධතාවයක් පවතින බවත් එය තමන් ඇතුළු මේ සම්බන්ධයෙන් උනන්දු කණ්ඩායම් හෙළි කරනු ලැබුවේ චැනල් 4 නාලිකාවට පෙර බවත් පවසනවා.
ඔහු මේ බව පැවසුවේ ඊයේ Truth with Chamuditha යූ ටියුබ් නාලිකාව සමඟ සම්මුඛ සාකච්ඡාවක් සඳහා එක් වෙමිනි.
ඔහු මෙහි දි පවසා සිටියේ සහරාන් ඇතුළු අන්තවාදී කල්ලි, අතුරුලියේ රතන, ගලබොඩඅත්තේ ඥානසාර වැනි කණ්ඩායම් ද ගෝඨාභය රාජපක්ෂ මහතා බලයට ගෙන ඒමේ කුමන්ත්රණයෙහි ඉත්තන් වූ බවයි.
පසුගිය ජනාධිපතිවරණයේදී ගෝඨාභය රාජපක්ෂගේ ජයග්රහණය වෙනුවෙන් කාදිනල් හිමියන් දැක්වූ දායකත්වය පසුපස සිටින චරිතය අතුරුලියේ රතන හිමියන් බව ඔහු සඳහන් කළා.
එමෙන්ම පසු ගිය කාලවකවානුවේ යුධ හමුදා බුද්ධි අංශය වෙත සහරාන් ගේ අන්තවාදී කණ්ඩායම පිළිබඳ තොරතුරු ලබා දුන් ඔත්තුකරුවන් දෙදෙනෙකු රහසිගත ලෙස ඝාතනය කිරීමට කටයුතු කර ඇති බව ඔහු පෙන්වා දී තිබෙනවා.
