ශ්‍රී ලංකා නිදහස් පක්ෂයේ මෙවර සංවත්සර උළෙලට හිටපු ජනාධිපති මහින්ද රාජපක්ෂ මහතාට ආරාධනා නොකළ බව එහි සභාපති හිටපු ජනාධිපති මෛත්‍රීපාල සිරිසේන මහතා මාධ්‍ය හමුවේ පවසා තිබෙනවා.
එසේ ආරාධනා නොකිරීම පිළිබඳ පැහැදිලි හේතුවක් සඳහන් නොකරන හිටපු ජනාධිපති සිරිසේන මහතා පැවසුවේ පක්ෂ සම්මේලනය උළෙල පිළිබඳ දැනුම්වත් කිරීම සඳහා අලවන ලද පෝස්ටර් වෙනත් පක්ෂයක් විසින් වසා දමා ඇති බවයි.
මහින්ද රාජපක්ෂ මහතාට ආරාධනා නොකළ ද තමන් හිටපු ජනාධිපතිනි චන්ද්‍රිකා බණ්ඩාරනායක මැතිණියට පක්ෂ සම්මේලනයට ආරාධනා කළ බවත් පක්ෂ සංවත්සර උළෙලේ දි අභ්‍යන්‍තර තනතුරු වෙනස් කම් නොකරන බව ද මාධ්‍ය කළ විමසීම් වලට පිළිතුරු දෙමින් සඳහන් කළා.
ශ්‍රී ලංකා නිදහස් පක්ෂයේ 72වැනි සංවත්සරය අද (3වැනිදා) ශ්‍රී ජයවර්ධනපුර ‘මොනාච් ඉම්පීරියල්’ හෝටලයේදී පැවැත්වීමට නියමිතයි.
