මාර්ගගත ක්‍රමවල සුරක්ෂිතභාවය පිළිබඳ පනත් කෙටුම්පතේ ව්‍යවස්ථාපිතභාවය ශ්‍රේෂ්ඨාධිකරණය හමුවේ අභියෝගයට

පාර්ලිමේන්තුවේ න්‍යාය පත්‍රයට ඊයේ (03) දිනයේ ඇතුළත් කරනු ලැබූ මාර්ගගත ක්‍රමවල සුරක්ෂිතභාවය පිළිබඳ පනත් කෙටුම්පතේ ව්‍යවස්ථානුකූලභාවය අභියෝගයට ලක් කරමින් ශ්‍රී ලංකා තරුණ මාධ්‍යවේදීන්ගේ සංගමයේ හිටපු සභාපති තරිඳු උඩුවරගෙදර ශ්‍රේෂ්ඨාධිකරණය හමුවේ විශේෂ පෙත්සමක් ගොනු කර තිබෙනවා.

මෙම පෙත්සම මගින් පෙත්සම්කරු ඉල්ලා සිටින්නේ පනත් කෙටුම්පතට පාර්ලිමේන්තුවේ 2/3 අනුමැතියට අමතරව ජනමත විචාරණයකදී ජනතාවගේ අනුමැතිය අවශ්‍ය බව ප්‍රකාශ කරන ලෙසයි.

මාර්ගගත ක්‍රමවල සුරක්ෂිතභාවය පිළිබඳ පනත් කෙටුම්පත 2023 සැප්තැම්බර් 15 වන දින ගැසට් පත්‍රයේ ප්‍රකාශයට පත් කරන ලද අතර 2023 ඔක්තෝබර් 3 වන දින පාර්ලිමේන්තු න්‍යාය පත්‍රයට ඇතුළත් කරන ලදී.

පෙත්සම්කරු කියා සිටියේ පනත් කෙටුම්පතේ 5 වැනි වගන්තිය යටතේ මාර්ගගත ක්‍රමවල සුරක්ෂිතභාවය සඳහා වූ කොමිෂන් සභාව ජනාධිපතිවරයා විසින් පත් කරන ලද සාමාජිකයින් පස් දෙනෙකුගෙන් සමන්විත වීමට විධිවිධාන සලසන බවත්, අනෙකුත් ස්වාධීන කොමිෂන් සභා මෙන් නොව ආණ්ඩුක්‍රම ව්‍යවස්ථා සභාව සාමාජිකයින් නිර්දේශ නොකරන බවයි.

පෙත්සම්කරු වැඩිදුරටත් කියා සිටියේ 12 සිට 25 දක්වා වගන්ති මඟින් පුළුල්, ඕනෑවට වඩා ඇතුළත් සහ නොපැහැදිලි වැරදි නිර්මාණය වන අතර ආණ්ඩුක්‍රම ව්‍යවස්ථාවේ 3, 4(d), 10, 12(1) සහ 14(1)(a) වගන්ති උල්ලංඝණය වන බවයි.

මෙම පනත් කෙටුම්පත සම්පුර්ණයෙන්ම ආණ්ඩුක්‍රම ව්‍යවස්ථාවේ 3, 4, 10, 12(1), සහ 14(1)(g) වගන්තිවලට හෝ ඉන් එකකට හෝ වැඩි ගණනකට නොගැලපෙන බවට තීරණය කරන ලෙස පෙත්සම්කරු ශ්‍රේෂ්ඨාධිකරණයෙන් ඉල්ලා සිටී.

එමෙන්ම ආණ්ඩුක්‍රම ව්‍යවස්ථාවේ 83 සහ 84(2) වගන්තිවලට අනුව විශේෂ බහුතරයකින් සම්මත කර ජනමත විචාරණයකින් ජනතාව විසින් අනුමත කළ යුතු බව ද ඔහු අදාළ පෙත්සමෙන් පවසා ඇත.

Latest News

More like this

අරගලයේ ප්‍රචණ්ඩ ක්‍රියා සඳහා මන්ත්‍රීවරු ලබාගත් වන්දි ආපසු ලබා ගැනීමේ නඩුවට දින නියම වේ

හිටපු ජනාධිපති ගෝඨාභය රාජපක්ෂ මහතා බලයෙන් පහ කිරීම සඳහා...

ඇමරිකන් බද්ද අඩු කරගන්න ආණ්ඩුවට රනිල්ගෙන් තුරුම්පුවක්..

රී ලංකාවේ අපනයන සඳහා දැනට පනවා ඇති සියයට 30...

අමෙරිකාව ශ්‍රී ලංකාවේ භාණ්ඩ සඳහා තීරුබදු ‘සීරෝ’ කිරීමට සැරසෙයි

ශ‍්‍රී ලංකාවෙන් ඇමෙරිකාවට අපනයනය කරන භාණ්ඩ වර්ග 1161කින් 42ක්...

භික්ෂූන් වහන්සේලාගේ අබිරහස් ජීවිත බ්ලැක්මේල් කර තායිලන්තයේ නිර්මල බුදුදහම අර්බුදයට යැවූ කාන්තාව

ජ්‍යෙෂ්ඨ නායක බෞද්ධ භික්ෂූන් වහන්සේලා පොළඹවාගනිමින් ඔවුන්ගේ සමීප තොරතුරු...
error: Content is protected !!