තම ජීවී අවයව හත් දෙනෙකුට පරිත්‍යාග කරමින් මිය ගිය කුරුණෑගල මලියදේව උසස් බාලිකා විද්‍යලයේ 19 හැවිරිදි විහඟනා නුවන්ති මෙවර උසස් පෙළ විභාගයේ වාණිජ විශය ධාරාවෙන් A සාමාර්ථ තුනක් ලබා ගෙන තිබේ.
හදිසියේ ඇති වූ අසනීප තත්ත්වයක් හේතුවෙන් රෝහලට ඇතුළත් කිරීමෙන් අනතුරුව පසුගිය මාර්තු මාසයේ 02 වෙනිදා ඇය ජීවිතයෙන් සමුගත්තාය.
වෛද්‍යවරුන් සඳහන් කළේ මොළයේ ඇති වූ ගෙඩියක් ඇගේ මරණයට හේතුවූ බවයි. ඇයට තව දුරටත් ජීවත් වීමට වාසනාව නොමැති බව නිගමනය කිරීමෙන් පසු ඇගේ ජීවය සහිත අවයව හතක් පරිත්‍යාහ කළ හැකි බව වෛද්‍යවරු දන්වනු ලැබීය.
ඒ අනුව විහඟනාගෙ හදවත,පෙනහළු,වකුගඩු අක්මාව සහ ඇස් රෝගීන් ට පරිත්‍යාග කරමින් ජීවිත හතක් බේරාගැනීමට ඇයට හැකි විය.
