සාරාංශය:
ඕස්ට්‍රේලියාවේ Student Visa ප්‍රතික්ෂේප කිරීම් ඉහළ යාමත් සමඟ, විශේෂයෙන් දකුණු ආසියානු සිසුන්ට බලපාන වීසා ක්‍රමවේදය නැවත සලකා බැලීමට එරට රජය සූදානම් වෙනවා. සැබෑ අධ්‍යාපන අරමුණින් පැමිණෙන සිසුන්ට වීසා ලබාගැනීමේදී වැඩි නිශ්චිතභාවයක් ලබාදීම මෙහි ප්‍රධාන අරමුණයි.
Summary:
Australia is reviewing its international student visa system amid rising rejection rates, particularly among South Asian applicants. Proposed changes aim to clarify financial requirements and provide greater certainty for genuine students.
ඕස්ට්‍රේලියාවේ ඉගෙනගන්න බලාපොරොත්තුවෙන් ඉන්න විදෙස් සිසුන්ට දැන් වැදගත් වෙනස්කමක් ඉදිරියේදී සිදුවිය හැකියි. Student Visa ප්‍රතික්ෂේප කිරීම් ඉහළ යාමත් සමඟ එරට ෆෙඩරල් රජය දැනට පවතින වීසා ක්‍රමවේදය නැවත සලකා බලන්න තීරණය කර තිබෙනවා.
(Lakvahini) – විශේෂයෙන් දකුණු ආසියානු රටවලින් ඕස්ට්‍රේලියාවට අධ්‍යාපනය සඳහා යාමට බලාපොරොත්තු වන සිසුන්ගේ වීසා අයදුම්පත් ප්‍රතික්ෂේප වීම ඉහළ යාමයි මේ සඳහා ප්‍රධාන හේතුව වී තිබෙන්නේ.
මේ තත්ත්වයේ බරපතළකම පෙන්වන සංඛ්‍යාලේඛන කිහිපයකුත් වාර්තා වෙනවා.
2025-2026 මූල්‍ය වර්ෂයේදී ඕස්ට්‍රේලියාවට ඉදිරිපත් කළ Student Visa අයදුම්පත්වලින් 24.2%ක් ප්‍රතික්ෂේප වී තිබෙනවා. ඒ අතරින් නේපාලයෙන් ඉදිරිපත් කළ අයදුම්පත්වලින් 51%කට වැඩි ප්‍රමාණයක් සහ ඉන්දියාවෙන් ඉදිරිපත් කළ අයදුම්පත්වලින් 40%කට වැඩි ප්‍රමාණයක් ප්‍රතික්ෂේප වී ඇති බව සඳහන්.
නමුත් මෙතැන තිබෙන වැදගත්ම කරුණ ප්‍රතික්ෂේප කිරීම් සංඛ්‍යාව පමණක් නොවෙයි.
සැබෑ අධ්‍යාපන අරමුණින් ඕස්ට්‍රේලියාවට පැමිණීමට බලාපොරොත්තු වන සිසුන් පවා වීසා ප්‍රතික්ෂේප වීමේ බිය නිසා වෙනත් රටවල් තෝරාගැනීමට පෙළඹෙන බව එරට රජය පිළිගෙන තිබෙනවා.
ඒ සමඟම මෙම තත්ත්වය ඕස්ට්‍රේලියානු විශ්වවිද්‍යාලවලටත් බලපාන බවට අනාවැකි පළවෙනවා. මේ වසරේ රාජ්‍ය විශ්වවිද්‍යාලවලට අලුතින් ඇතුළත් වන ජාත්‍යන්තර සිසුන්ගේ සංඛ්‍යාව 18%කින් පමණ පහත වැටෙනු ඇතැයි අපේක්ෂා කරන අතර, ඉදිරි වසර තුන තුළ විශ්වවිද්‍යාල ආදායම ඩොලර් බිලියන 2කින් පමණ අඩුවිය හැකි බවත් වාර්තා වෙනවා.
ඒ අනුව දැන් රජය සලකා බලමින් සිටින්නේ සිසුන්ගේ මූල්‍ය හැකියාව තහවුරු කිරීමේ අවශ්‍යතා සහ වීසා අයදුම්පත් ඇගයීමේ ක්‍රමවේදය සංශෝධනය කිරීමයි.
විශේෂයෙන්ම මෙය වීසා නීති ලිහිල් කිරීමක් නොවන බවත්, මූල්‍ය අවශ්‍යතා වඩාත් පැහැදිලි කරමින් සැබෑ සිසුන්ට වීසා ලබාගැනීමේදී වැඩි නිශ්චිතභාවයක් ලබාදීම අරමුණ බවත් රජය පෙන්වා දෙනවා.
මේ සම්බන්ධයෙන් විශ්වවිද්‍යාල සහ අධ්‍යාපන නියෝජිතයන්ගේ අදහස් ලබාගැනීම නොවැම්බර් මාසයේදී සිදුකිරීමට නියමිතයි.
ඒ කියන්නේ, ඕස්ට්‍රේලියාවේ අධ්‍යාපනය ලැබීමට බලාපොරොත්තු වන දකුණු ආසියානු සිසුන්ට ඉදිරියේදී මෙම සංශෝධන විශේෂයෙන් වැදගත් විය හැකියි.
#AustraliaStudentVisa #StudyInAustralia #InternationalStudents #AustraliaNews