සාරාංශය:
ඉතියෝපියානු අගමැති අබි අහමඩ්, කැබිනට් ඇමැතිවරුන් සහ ජ්‍යෙෂ්ඨ රාජ්‍ය නිලධාරීන් හමුදා පුහුණුවට යොමු කිරීමට පියවර ගෙන තිබෙනවා. එහි අරමුණ වන්නේ විනය, කණ්ඩායම් හැඟීම, වගවීම සහ නායකත්ව හැකියාවන් වර්ධනය කර රටේ සංවර්ධනය වේගවත් කිරීම බවයි ඔහු පවසන්නේ.
Summary:
Ethiopian Prime Minister Abiy Ahmed has sent cabinet ministers and senior government officials for military training, saying it will strengthen discipline, leadership and accountability to support the country’s development.
රටක් සංවර්ධනය කරන්න නම් එහි නායකත්වයත් විනයගරුක විය යුතුයි කියන අදහසින්, ඉතියෝපියාවේ අගමැතිවරයා දැන් සිය කැබිනට් ඇමැතිවරුන්ටත් හමුදා පුහුණුව ලබාදීමට පියවර ගෙන තිබෙනවා.
(Lakvahini) – ඉතියෝපියානු අගමැති අබි අහමඩ්, කැබිනට් ඇමැතිවරුන් සහ අනෙකුත් ජ්‍යෙෂ්ඨ රාජ්‍ය නිලධාරීන් හමුදා පුහුණුවට යොමු කිරීමට කටයුතු කර තිබෙනවා.
මෙහි අරමුණ ගැනත් අගමැතිවරයා පැහැදිලි කර තිබෙනවා. ඔහු පවසන්නේ ඉතියෝපියාව සංවර්ධිත රටක් බවට පත් කිරීමේ දිගුකාලීන අරමුණ සාර්ථක කරගැනීමට නම් රටේ නායකත්වය කායික හා මානසික වශයෙන් ශක්තිමත් විය යුතු බවයි.
ඒ සඳහා හමුදා පුහුණුවෙන් ලැබෙන විනය විශේෂයෙන් වැදගත් වන බවත් ඔහුගේ අදහසයි.
නමුත් මෙතැනදී අවධානය යොමු කළ යුතු තවත් කරුණක් තිබෙනවා. අගමැතිවරයා පවසන ආකාරයට, හමුදා පුහුණුවෙන් ලැබෙන්නේ ශාරීරික පුහුණුව පමණක් නොවෙයි. විනය, දේශප්‍රේමීත්වය, කණ්ඩායම් හැඟීම, වගවීම සහ නායකත්වය පිළිබඳ වැදගත් පාඩම් රැසක් ද එමඟින් ලබාගත හැකියි.
හමුදා සෙබළුන්ට ඉලක්ක තිබෙන අතර සිවිල් වැසියන්ට අරමුණු තිබෙන බව පෙන්වා දෙන අගමැතිවරයා, දෙපාර්ශ්වයේම අවසාන අරමුණ ජයග්‍රහණය බවත් සඳහන් කර තිබෙනවා.
ඒ අතරේ මේ වැඩපිළිවෙළට අදාළ තවත් දෙයක් ජනතාවගේ අවධානයට ලක්ව තිබෙනවා. කැබිනට් ඇමැතිවරුන් හමුදා පුහුණුව ලබන ආකාරය දැක්වෙන වීඩියෝ පටයක් සමාජ මාධ්‍ය ඔස්සේ සංසරණය වීමත් සමඟ එය ඉතියෝපියානු ජනතාව අතර කතාබහට ලක්ව ඇති බවයි විදෙස් මාධ්‍ය වාර්තා කරන්නේ.
ඇමැතිවරුන්ටත් හමුදා විනය හුරු කරවීමෙන් රටක නායකත්වය ශක්තිමත් කළ හැකිද? මේ පිළිබඳ ඔබේ අදහසත් කියන්න.
#Ethiopia #AbiyAhmed #MilitaryTraining #WorldNews